Skip to Content

PREMIO: MELLOR PROXECTO ODS 11

Parte do alumnado do María Casares que o curso pasado participou no Club de Ciencia, xunto coa profesora de Matematicas, Lucía Rodríguez, foron invitados a participar o 17 de setembro na quinta edición do Open Science de Cambre. Ademáis de disfrutar deste evento a nivel internacional e aprender moito, acadaron o premio ao mellor proxecto na categoría ODS 11, referente ao obxectivo sobre cidades e comunidades sostibles.

O Open Science de Cambre (CSO) é un evento anual de divulgación científica organizado polo concello de Cambre en conxunto coa organización xuvenil XentD100cia do IES David Buján. O evento converteuse na primeira feira científica aberta que se celebra en España e unha das primeiras de Europa. Durante unha fin de semana esta localidade convértese no centro de divulgación científica de España, e non só promóvese a ciencia cidadá, en especial á xuventude, senon que empodera aos mozos e mozas, que son os encargados de organizar o evento, e foméntanse as vocacións científicas.
Parabéns!! Gran traballo!!

PROGRAMA RADIOFÓNICO

O alumnado do María Casares que o curso pasado participou en diversos proxectos de sostibilidade e os alumnos de Ciencias da Terra acudiron o 15 de setembro, coas súas profesoras Lucía Rodríguez e Aroa Luengo, ao Castelo de Santa Cruz para asistir como oíntes do programa radiofónico emitido por EMUGA-Radiofusión -grupo de emisoras locais- no que se presentou o Proxecto Onda ODS.


Este proxecto ten como propósito sensibilizar a cidadanía sobre os principais obxectivos da Axenda 2030, entre eles promover unha prosperidade económica compartida, a protección ambiental e a igualdade de xénero. Isto farase a través de trinta programas informativos e de 30 podcast.

REUNIÓN DE NAIS/PAIS CO TITOR/A - CURSOS DE ESO

O mércores 28 convócase aos pais e nais do alumnado de ESO a unha reunión informativa de inicio de curso.

Na seguinte ligazón poden acceder ao horario para cada un dos niveis.

 

INICIO DO CURSO ESCOLAR 2022-2023

O xoves 8 de setembro comezarán as clases deste curso escolar co horario habitual (8.30-14.10).

As rutas do transporte escolar realizarán o seu percorrido habitual. 

Hora de inicio de todas as rutas: 7.45, agás a de Rialta que partirá ás 8.00.

O alumnado ten á súa disposición na secretaría do centro os cheques para a adquisición de material escolar e os lotes de libros dos cursos pares do Fondo Solidario de Libros de Texto.

O alumnado que non devolvera a chave da taquilla debe deixala na conserxería do centro.

LIBROS DE TEXTO. CURSO 2022-2023

Poden consultar a listaxe de Libros de Texto para o vindeiro curso na sección Libros de Texto do bloque O CENTRO (lateral esquerdo).

FONDO SOLIDARIO DE LIBROS DE TEXTO

Publicación das listaxes do Fondo solidario de libros de texto.
 

- Listaxe provisional de persoas beneficiarias de libros de texto do fondo solidario.

- Listaxe provisional de solicitudes excluídas, indicando a causa da exclusión.
 
Poderán consultarse 
 
- No taboleiro de anuncios situado no interior do recinto escolar.
- Por vía electrónica, a través da aplicación fondolibros, empregando a Chave 365 ou o certificado dixital da Fábrica Nacional de Moeda e Timbre.

PROBAS DE ACREDITACIÓN LINGÜÍSTICA 2022-2023

O obxectivo principal destas probas é acreditar a competencia en lingua estranxeira do alumnado, nos niveis de competencia B1, B2 ou C1, descritos no Marco común europeo de referencia para as linguas (MCERL), segundo corresponda.

Poderá participar alumnado que curse 4º da ESO, 1º de bacharelato e 2º de bacharelato no curso 2022/23.

As probas que realizará o alumnado corresponderanse co nivel B1, B2 ou C1 (segundo decida o alumnado coa orientación do seu
profesorado de lingua estranxeira) e terá que ser unha das probas recollidas no Anexo da Orde do 21 de xuño de 2016.

Será o departamento de lingua estranxeira o encargado de organizar as probas durante o curso 2022/23, informando debidamente ao alumnado seleccionado segundo os criterios aprobados no centro educativo.

O alumnado interesado deberá entregar na Secretaría do centro o día que formalice a matrícula ou  antes do 15 de xullo de 2022  o compromiso de participación cuberto e asinado.

Pódese descargar o compromiso no seguinte link: COMPROMISO DE PARTICIPACIÓN

Pódese acceder á convovatoria no seguinte link: TEXTO DA RESOLUCIÓN DA CONVOCATORIA

Nota: Poderáse tamén pedir copia do documento de compromiso na sala de reprografía do centro.

REVISIÓN EXAMES

Poden consultar o horario para a revisión de exames neste ENLACE.

PRESENTACIÓN DO LIBRO LÚA NOVA DE IRENE MONTERO

O venres 17 de xuño a biblioteca do IES María Casares acolleu ás 13:30 horas a presentación da novela Lúa Nova de Irene Montero, que viña de gañar a oitava edición do Premio de Novela Curta Cidade Centenaria de Ribeira.

Na presentación interviu a propia autora, o coordinador do club de letras do IES María Casares, Manuel Pousa e unha invitada de luxo, a inspiradora, en certa medida, da protagonista da obra Lúa Lóngora,  Natalia Beade Bouzas.

Rodeada de noso alumnado Irene Montero degrumou a súa obra e o que significa romper barreiras nunha persoa cega e como foi quen a desenvolverse como persoa válida e independente. A obra está baseada na pianista Lúa Lóngora, unha rapaza cega de nacemento como a nosa alumna Natalia, e recoñecida no mundo enteiro polas súas habilidades co piano.

No bloque de preguntas posterior á presentación en si, os nosos alumnos fixeron a súas preguntas ás nosas invitadas, que deixaron constancia da súa complicidade e o se bo sentido do humor. GRAZAS.!!

ENTREGA DE PREMIOS "CONCURSO DE RECICLAXE"

Outro ano máis intentamos concienciar a toda a comunidad educativa sobre a importancia do cuidado do medio ambiente e da reciclaxe de residuos. O pasado martes 7/06 deuse por concluido o concurso de reciclaxe e realizouse a ceremonia de entrega de premios.

O Concello de Oleiros participou nesta iniciativa proporcionando e organizando os tres premios deste concurso: tres saídas educativas para os grupos que máis reciclaran ao longo do ano.

Os gañadores foron:
1º posto: empate entre os grupos de 2º ESO C e 1º ESO A
3º posto: o grupo de 1.º ESO B. 

Moitas grazas aos participantes e esperamos conseguir entre todas e todos un centro máis sostible e concienciado co medio ambiente.

Distribuir contido


by Dr. Radut