Skip to Content

FIN DE SEMANA EN ESPOSENDE PORTUGAL (PREMIO CONCURSO MATEMÁTICAS NA RAIA)

Mér, 29/05/2024 - 09:43 — admin

As rapazas e rapaces de 3º A, como gañadores da fase galega do concurso Matemáticas na raia, tiveron a ocasión de disfrutar este fin de semana de dúas xornadas de encontro e confraternización co grupo gañador en Portugal, procedente de Braga.

Grupo 3A Matemáticas na raia Grupo Galicia e Portugal Matemáticas na raia

Foi unha fin de semana moi intensa, con actividades, xogos, competicións, actividades deportivas (kayak) e visita turística ó pobo de Esposende, no que fixemos un roteiro matemático.

     

Ata o último momento estiveron dándoo todo en diversas probas da xincana matemática en grupos (agora xa mixtos galego-portugueses), no fabuloso marco do pinar a carón da praia das Pedrinhas (Esposende).

Parabéns para este fenomenal grupo, e esperamos que continúen participando con tanto entusiasmo en diversas actividades e tamén continúen a darnos de vez en cando estas alegrías.

Tamén queremos agradecer a Agapema (Asociación Galega do Profesorado de Educación Matemática) e APM (Asociación de Profesores de Matemáticas de Portugal) a organización do concurso, destas xornadas  e a súa calurosa acollida.

SUBVENCIÓN DO CONCELLO DE OLEIROS

Lun, 27/05/2024 - 09:46 — admin

O Concello de Oleiros ACORDOU, mediante Resolución da Sétima Tenenta de Alcalde, delegada de Cultura e Normalización Lingüística, Ensino e Xuventude nº 2024002588, ditado en data 16/05/2024, CONCEDER ao IES María Casares unha subvención por importe de 11.660,00 € (once mil seiscentos sesenta euros) para os seguintes  conceptos: “Realización de actividades diversas de carácter educativo, cultural e deportivo, eventos e celebracións  conmemorativas e adquisición de materiais didácticos de carácter funxible"

 

FONDO SOLIDARIO DE LIBROS DE TEXTO E AXUDAS PARA A ADQUISICIÓN DE LIBROS DE TEXTO E MATERIAL ESCOLAR.

Mér, 22/05/2024 - 11:01 — admin

No seguinte documento poderán atopar toda a documentación para a solicitude do FONDO SOLIDARIO DE LIBROS DE TEXTO E AXUDAS PARA A ADQUISICIÓN DE LIBROS DE TEXTO E MATERIAL ESCOLAR para o vindeiro curso 2024-2025

Consultar documento aquí.

EXAMES 2ºBAC-EXTRAORDINARIA

Mér, 22/05/2024 - 10:13 — admin

INFORMACIÓN ALUMNADO 2º BACHARELATO

Mér, 15/05/2024 - 13:44 — admin

Para consultar a información relativa ao procedemento de reclamación ás cualificacións finais, a solicitude do Título de Bacharel e a matrícula nas probas ABAU, prema neste ENLACE.

 Máis info sobre as probas ABAU, visita o enlace do departamento de Orientación onde hai dúas presentacións explicativas

PARTICIPACIÓN E VISITA GALICIENCIA 2024

Mar, 14/05/2024 - 19:30 — admin

Este curso volvemos a presentar un proxecto na feira científica de Ourense Galiciencia. Os alumnos Marina Paz e Hugo Sierra de 4ºESO, xunto co profesor Carlos Rodríguez, defenderon durante tres días o seu proxecto "Transformando papel en árbores". Aproveitando a feira, visitaron Ourense e participaron en varias actividades organizados en Tecnópole, incluindo un taller no simulador de voo da Aula Newton.

 Ademáis, o alumnado do Club de Ciencias e do 1º STEM Bac puideron visitalos o pasado venres. Alí, tras ver os distintos postos da feira, participaron nun taller de construción dun soporte móbil con material reutilizado e no espectáculo de ciencia "Descubrindo a madeira" de David Ballesteros.

 

ENTREGA DE PREMIOS MATEMÁTICOS

Xov, 09/05/2024 - 12:02 — admin

Como remate de algunha das actividades desenvolvidas polo Departamento de Matemáticas, realizamos a entrega dos premiados no I Concurso de fotografía matemática, e duns detalles ao alumnado que participou na XVI Feira Matemática, como recoñecemento ao seu traballo e constancia ao longo do curso.

 Moitas grazas e grazas tamén ao profesorado implicado pola súa colaboración.

CALENDARIO FIN DE CURSO

Mar, 07/05/2024 - 09:45 — admin

Poden consultar os calendarios fin de curso de cada nivel educativo no enlace correspondente.

2º Bacharelato

1º de Bacharelato e 1º FPB

ESO e 2º FPB

SOLIDARIEDADE INTERXERACIONAL

Ven, 03/05/2024 - 12:58 — admin

O alumnado de 3º ESO PDC, participou nunha actividade solidaria interxeracional compartida cos usuarios do centro de día "As Galeras".

Durante catro sesións repartidas ao longo do curso, o alumnado tivo a oportunidade de compartir experiencias e vivencias, ademais de realizar diferentes actividades, unhas delas  organizadas polo equipo Técnico do Centro de Atención Diurna de Oleiros e outras propostas polo alumnado coa axuda da súa titora. Actividades tales como intercambiar información, dar un paseo polos arredores do centro, compartir diferentes xogos: cartas, pasapalabra ou pintar mosaicos.

Unha experiencia moi enriquecedora para todos os participantes, polo que consideramos importante continuar realizando esta actividade en vindeiros curso.

MATEMÁTICAS NA RAIA

Xov, 02/05/2024 - 10:17 — admin

O equipo de 3ºA do IES María Casares resultou gañador da fase rexional do concurso matemático “Matemáticas na raia”. Esta actividade é un concurso de resolución de problemas por equipos que se desenvolve en Galicia e no Norte de Portugal organizado conxuntamente pola Asociación Galega do Profesorado de Educación Matemática (AGAPEMA) e a Asociación de Profesores de Matemáticas de Portugal (APM). 

 O equipo de 3ºA do IES María Casares foi o que obtivo maior puntuación na fase rexional do concurso, na que participaban grupos de 3º da ESO dos centros de toda Galicia. 

 Matemáticas na raia é un concurso moi singular, tanto pola natureza dos problemas plantexados, de carácter lúdico e moi creativo, como pola forma de desenvolverse. Neste concurso participan grupos de clase completos, faise en equipo e nel é vital a aportación de todos e a capacidade que teñan de traballar conxuntamente e desenvolverse como equipo.

Parabéns para o alumnado e para o profesorado implicado pola súa colaboración.


 

Distribuir contido


by Dr. Radut