www.iesallariz.gal

O pasado venres tivemos o acto de graduación de 4º ESO da promoción 2020-24 con moita presenza dos seus familiares, amigos e profesores; na que brotou algunha que outra bágoa de emoción contida...

O pasado venres 7 de xuño, o noso alumnado de 2º Bacharelato celebrou o seu acto de graduación nun ambiente moi agradable e relaxado despois da ABAU...

Parabéns e moita sorte no voso futuro!!!

Como previo dos Recreos Activos desenvolvidos ao longo do curso, alumnado do noso centro disfrutou dunha xornada no Parque Acuático de Amarante (Portugal)

Así que, xa sabedes!! No próximo curso non deixes de participar nos Recreos Activos!!

O alumnado de 3º ESO do IES de Allariz, participou o 6 de xuño de 2024, nunha excursión ao Courel, organizada polo departamento de Lingua e Literatura Galega, xunto co de Bioloxía e Xeoloxía. Esta saída incluíu as seguintes actividades: visitas guiadas aos museos xeolóxico e etnográfico de Quiroga, observación do pregamento de Campodola,  así como dúas rutas, unha desde Folgoso ata a fervenza de Rexío,  e outra polo Val das Mouras. O propósito da mesma foi familiarizar ao alumnado co patrimonio cultural, paisaxístico e xeolóxico do xeoparque Montañas do Courel.

Este vídeo realizárono dúas alumnas de 3º ESO: Naia Conde e María Soto.

Velaquí o vídeo da actividade!

O IES de Allariz celebrou o éxito do seu primeiro proxecto Erasmus, alcanzando unha calidade excelente nos obxectivos do Plan establecidos ata 2027. O proxecto enfocouse na mellora da educación, a dixitalización do centro e a promoción da aprendizaxe en múltiples linguas. Neste proxecto, tres profesoras realizaron cursos de inglés para mellorar as súas competencias linguísticas e un grupo de oito estudantes de 1º de bacharelato, acompañado dunha docente e da directora, realizaron unha mobilidade de curta duración do 14 ao 21 de abril no Liceo Giacomo Ulivi, en Parma (Italia).