Guía para a diversificación de espazos educativos na ESO dende unha perspectiva inclusiva, igualitaria e interdisciplinaria

Antes de entrar en materia cómpre entender que pretende ser este documento e cales son as súas bases. Sen esa composición de lugar previa, o resto do traballo perdería sentido. Como docentes, parece fundamental coñecer en que se basea esta proposta e cara onde se dirixe.

Así, este bloque servirá como un primeiro achegamento e como xerme da motivación e do interese. Presentaranse os obxectivos perseguidos, as posibilidades e os fundamentos nos que se sustenta a proposta. Polo tanto, axudaranos a tomar conciencia sobre a situación actual.