Eduemociona. Viaxe ao reino das emocións

Proxecto da Fundación Meniños que ten como obxectivo estimular a adquisición e perfeccionamento de habilidades emocionais entre o alumnado participante, coa dobre finalidade de favorecer o seu desenvolvemento integral a nivel personal e previr a aparición de condutas negativas.

A viaxe ao reino das emocións non é nin máis nin menos que a marabillosa viaxe da vida, unha viaxe de aprendizaxe. Nesta viaxe ás persoas adultas correspóndenos coidar, estimular e acompañar aos nosos neno/as procurándolles as mellores condicións posibles para que ese percorrido sexa un lugar de crecemento positivo.