Unha vez que teñamos iniciada a sesión podemos acceder aos nosos datos de usuario e personalizalos.
Como os datos de acceso ao espazo web foron creador por outras persoas (administradores) debemos de cambiar, cando menos, o contrasinal que nos outorgaron para personalizalo e poder lembrarnos del nas futuras ocasións.
Para acceder aos nosos datos de usuario e poder modificalos debemos buscar nos menús laterais (esquerda ou dereita) o menú de Navegación (menú que leva por título o noso Nome de usuario) e nel atoparemos un enlace que di A miña conta.
Por exemplo, se o meu nome de usuario é 'profe1' o meu menú de usuario aparecería así:
Ao premer no enlace 'A miña conta' accederemos á paxina de datos do usuario.
Na parte superior podemos atopar outro enlace que di 'Editar'. Prememos sobre este enlace para entrar na ficha de edición e modificación dos nosos datos de usuario.
Como xa dixemos é recomendable cambiar o contrasinal inicial por motivos tanto de seguridade como de comodidade do propio usuario.
Vexamos como facelo:
Ao entrar na ficha de Edición veremos que temos un campo onde aparece o noso contrasinal (si non está correcto tamén sería o momento de correxilo) e un pouco máis abaixo aparecen dous campos baleiros: Contrasinal e Confirmar contrasinal.
Se dexesamos cambiar o contrasinal tan só debemos de escribir a nova nos dous campos. Se os deixamos en branco mantense o contrasinal actual.
Se o administrador así o ten configurado podemos tamén modificar o noso de usuario dende esta mesma pestana asi como o noso enderezo de correo electrónico (onde recibiremos as notificacións da páxina: ultimos contidos publicados, modificacións, comentarios enviados polos alumnos etc.)
Basta simplemente con poñer o nome de usuario que desexemos (o primeiro caracter non pode ser un espazo en branco) e a conta de correo na que desexemos recibir as notificacións.
Tamén podemos realizar outras configuracións nesta ficha de edición da nosa conta, como seleccionar o idioma da interface, poñer unha sinatura (que aparecerá logo nos envíos dos comentarios que fagamos) ou cambiar o fuso horario.
Tamén podería aparecer a opción de cambiar o tema ou apariencia da web. Con esta opción cada usuario podería empregar o tema desexado dentro dos ofertados polos administradores.
Se os administradores só ofertan un tema, xa non teremos posibilidade de elixir.
Outra opción que temos dispoñible e a de cosultar os artigos publicados polo noso usuario no blog premendo directamente sobre o enlace "Ver entradas recentes" dispoñible na pestana "Ver" do noso perfil de usuario
Tameń podemos acceder aos axustes de configuración das notificacións onde deberemos indicar se activamos ou non o servizo de avisos, se queremos que nos avise dos novos contidos publicados, o formato do contido (só títulos, títulos e cabeceiras ou texto completo) e os comentarios enviados (xeralmente polos alumnos).
Esta opción é fundamental se imos a traballar en colaboración cos alumnos e debemos administrar os comentarios que envian aos artigos publicados.
Unha vez activada esta opción cada vez que se execute o CRON [1] recibiremos un correo na conta que especificamos no principio avisandonos das últimas publicacións e/ou comentarios segundo teñamos establecido.
Para confirmar os cambios efectuados debemos de premer sobre o botón Enviar situado no fondo da páxina.
Feitos estes pasos, xa estamos en condición de empezar a publicar contidos dentro do espazo Web.
Na pestan "Personal Files" podemos levar copntrol sobre os arquivos (imaxes, pdf etc) que subimos á páxina .
Tamén podemos subir dende aqui arquivos para empregalos posteriormente (esta opción se explica con mais detalle no seguinte tema deste curso)
[1] O proceso de lanzamento do CRON é automatico e se lanza todos os días na madrugada, aínda que o administrador da web pode executalo manualmente