Conferencias

O Concello de Cervantes e o CPI de Cervantes estivemos de celebración!

No noso concello o Día do Libro é unha data moi especial. Lembramos ao autor que leva o nome de Cervantes,  e  lembramos tamén  como fai referencia ás nosas montañas na súa obra mundialmente recoñecida, O Quixote.

O noso agradecemento a José Manuel López Cedrón, polo seu pregón, "Un pequeno relato cheo de Cervantismos", e á Deputación de Lugo, por agasallarnos co libro Vía Romana XIX, Unha viaxe dende Lugo aos Ancares, seguindo as pegadas de Roma.   

E moitas grazas ao Concello de Cervantes por contar co cole para este acto tan fermoso, e por todos os agasallos do certame literario.

Neste vídeo podedes ver un resumo desta xornada. Parabéns aos gañadores e gañadoras!

Mañá, 28 de abril, terá lugar no noso colexio o IV CONGRESO CIENTÍFICO DA MONTAÑA.

Contaremos coa participación dos CPIs de Courel, Pedrafita e Cervantes, e dos IES de Becerreá e Mondoñedo. Benvidos!

Compartimos aquí o enlace para seguir a xornada por videoconferencia:

 https://eduxunta.webex.com/meet/chusiadai

E no documento adxunto podedes consultar o programa...

Este mércores, 20 de abril, ás 16:15, teremos no noso cole a Yolanda Fernández López, profesora de ensino secundario e experta en educación emocional.

Non perdas a oportunidade de asistir a súa charla! 

O venres 14 de xaneiro visitou o noso centro o profesor da USC do Campus de Lugo, Ignacio Díaz Maroto, e impartiu unha charla sobre a presenza do oso nos Ancares.

Foi un encontro ben interesante, e suscitou a curiosidade do noso alumnado, que non dubidou en preguntar ao ponente sobre o hábitat deste fermoso animal.

A Garda Civil visitou o noso cole e explicáronnos moitas cousas sobre o seu traballo. Ademáis trouxeron coches de tráfico e motos, nos que nos montamos e tocamos as sireas!Foi todo en espectáculo! Pincha na imaxe para ver todas as fotos!

A escritora Sabela Núñez Singala visitounos no noso cole e contounos moitas experiencias vividas moi interesantes! No seu blog podedes atopar máis información:

http://oagasallodeanya.blogspot.com.es/2018/03/no-cpi-de-cervantes.html

Para comezar o curso endulzándonos un pouco, tivemos a visita de dous expertos en apicultura, María e Israel.

Ó longo de toda unha maña, ensináronnos distintos produtos das colmeas, logo realizamos unha cata de produtos apícolas e finalmente realizamos unha auténtica demostración de extracción de mel, pole e própole. Estivo xenial. Moitas grazas!

FOTOS DA XORNADA

 O día 3 de febreiro fixemos no colexio un taller de cociña ecolóxica dentro das "Actividades da Reserva da Biosfera" patrocinadas pola Diputación de Lugo.

Ese día os nenos e nenas de Infantil e Primaria fixeron de chefs por un día e foron os encargados de preparar o menú para todos cos productos da zona.

Foi unha experiencia deliciosa e moi saudable!!!!!

Para ver todo o noso traballo PINCHA AQUÍ

A principios de maio celebráronse no noso colexio unhas xornadas sobre a escola no rural: "A educación soñada na montaña".

Os nenos e nenas do CPI de Cervantes participamos coa realización dunha representación sobre o libro da Pita dos Prados.

Podedes atopar máis información na web da Nova Escola Galega.