Dous obxectivos: coñecer outros proxectos semellantes e reflexionar xuntos sobre as dificultades, os atrancos que todos atopamos no camiño. E un método: a creación de mapas mentais, de metáforas visuais para simbolizar as nosas reflexións.
Abofé que tivemos unha sesión interesante. Despois da sorpresa inicial, moitas das creacións dos grupos resultaron espectaculares. Semella que o feito de apelar á creación artística, ao debuxo, ás cores, ás metáforas... axuda. Pero non esquezamos para que o fixemos. Os obxectivos da sesión estaban sempre detrás da proposta.
Así pois coñecémonos, falamos dos nosos proxectos, revisamos os aspectos fundamentais, as dificultades e problemas... incluso o pasamos ben! Bueno.
"SO SE APRENDE AQUILO QUE SE AMA" TERCEIRO E DERRADEIRO ENCONTRO
Este foi un encontro de dúas partes ben diferentes: unha primeira que adicamos a escoitar e conversar sobre educación con Francisco Mora Teruel, un doutor, un científico que nos achegou aos achádegos máis senlleiros da investigación sobre o funcionamento do cerebro e sobre as implicacións que estes saberes poden/deben ter para a educación.
Nuns días teremos editado o vídeo desta conferencia. Ficará aquí mesmo para quen queira revisar e/ou compartir con outros/as compañeiras/os este interesante contido.
Na segunda parte abordamos as memorias das actividades. Propuxémosvos un modelo: A memoria da actividade (GT, SEminario ou PFPP) como ferramenta de reflexión. Propuxemos incluso un recurso para utilizar na xuntanza. E invitámosvos a probar, a experimentar un chisco con este recurso e este modelo. Chegamos incluso a compartir algunhas conclusións.
Velaí as tendes.
MEMORIA DAS ACTIVIDADES. CONCLUSIÓNS DA SESIÓN DE TRABALLO