Skip to Content

NÚMERO PREMIADO SORTEO EXCURSIÓN FIN DE CURSO

27/06/2022 11:30
Atlantic/Bermuda

NO SORTEO DA LOTERÍA NACIONAL DO SÁBADO 25 DE XUÑO* O NÚMERO PREMIADO FOI: 56140

*Debido a un erro na impresión nas papeletas, a data indicada (26 de xuño) non coincide con ningún sorteo da Lotería Nacional, polo cal damos por válido o sorteo anterior que corresponde ao 25 de xuño de 2022.

A RIFA QUE COINCIDA COAS TRES ÚLTIMAS CIFRAS DESTE NÚMERO PREMIADO, SERÁ A GAÑADORA DA CESTA DE PRODUTOS ECOLÓXICOS DO MERCADO DA TERRA.

Poderá pasar ao longo do mes de xullo pola tenda "Mercado da Terra" situado na Rúa Nicaragua 10 (Ferrol) para recoller o premio.

 

AXUDAS MATERIAL ESCOLAR E COMEDOR

11/05/2022 19:15
Atlantic/Bermuda

Dende onte (martes 10 de maio) está aberto o prazo para solicitar as axudas de material escolar e servizo de comedor para o próximo curso lectivo 2022-2023. As persoas interesadas en solicitar estas bonificacións teñen 10 días hábiles a partir deste martes para presentar as instancias no Rexistro Municipal.

Para máis información podedes consultar o Boletín Oficial da Provincia premendo neste enlace.

Programacións LOMLOE

09/05/2022 14:49
Atlantic/Bermuda

Tal e como se establece na Orde do 25 de xaneiro de 2022 pola que se actualiza a normativa de avaliación nas ensinanzas de educación primaria, de educación secundaria obrigatoria e de bacharelato no sistema educativo de Galicia, poñemos á vosa disposición as programacións cos citerios de promoción e titulación xerais actualizados segundo a Lei Orgánica 3/2020 do 29 de decembro, pola que se modifica a Lei Orgánica 2/2006 do 3 de maio de Educación.

Preme aquí para consultalas

BECAS MEC E NEAE

24/03/2022 10:13
Atlantic/Bermuda

Informamos que este curso adiántase o prazo para solicitar as becas do MEC para estudos universitarios e non universitarios (bacharelato, fp, conservatorio, etc.). Á educación Infantil e Primaria non nos afectaría.

As becas NEAE tamén adiantarán a súa convocatoria, e será a partir de maio cando saía publicada.

Cando sexa o momento atoparedes toda a información na nosa páxina web e na ligazón que aparece a continuación.

Web Ministerio de Educación

XORNADAS DE PORTAS ABERTAS - Pide a túa cita!

03/02/2022 17:24
Atlantic/Bermuda

ACTIVIDADES EXTRAESCOLARES

08/01/2022 17:49
Atlantic/Bermuda

Premendo neste enlace atoparedes toda a información sobre o comezo e a organización das actividades extraescolares.

 

DÍAS NON LECTIVOS

21/11/2021 22:00
Atlantic/Bermuda

Segundo o establecido no artigo 7 da Orde do 19 de maio de 2021 pola que se aproba o calendario escolar para o curso 2021/22 nos centros docentes sostidos con fondos públicos na Comunidade Autónoma de Galicia.

Artigo 7. Días non lectivos

1. Ademais das festas de ámbito estatal, son días non lectivos os festivos así declarados pola Consellería de Emprego e Igualdade da Xunta de Galicia, en exercicio das competen-cias que lle atribúe o artigo 45 do Real decreto 2001/1983, do 28 de xullo, sobre regulación da xornada de traballo, xornadas especiais e descansos, na súa redacción dada polo Real decreto 1346/1989, do 3 de novembro, e as festas laborais de carácter local publicadas por resolución da devandita consellería.

2. Nos centros en que unha ou as dúas festas laborais de carácter local a que se refire o punto anterior non coincidan con días de clase, os consellos escolares, os consellos sociais ou, na súa falta, os responsables dos centros de menos de tres unidades poderán solicitar, segundo proceda, un ou dous días non lectivos, que deberán preverse na programación xeral do centro, argumentando razóns de tradición, costume ou conveniencia pedagóxica. Esta petición deberá facerse antes do día 22 de outubro de 2021 perante a xefatura territorial da Consellería de Cultura, Educación e Universidade, que, logo de informe da Inspección educativa e dos que coide oportunos, resolverá o que proceda.É recomendable que os centros da mesma localidade elixan, de ser o caso, os mesmos días non lectivos, para o cal se buscará o consenso entre todos os centros para a súa selección.

3. Ademais dos anteriores, sen prexuízo do establecido no artigo 8.3 e co fin de unificar a celebración dos patróns de cada nivel educativo, establécese o Día do Ensino coa consideración de non lectivo para efectos académicos e que no curso 2021/22 se celebrará o 11 de outubro de 2021.

Informamos que os días solicitados polo centro como non lectivos son:

- Martes 07 de decembro de 2021

- Luns 16 de maio de 2022

Ambos aprobados por inspección.

ELECCIÓNS AO CONSELLO ESCOLAR

02/11/2021 18:24
Atlantic/Bermuda

De conformidade co establecido na Resolución do 20 de setembro do 2021, pola que se establece o calendario para a celebración de eleccións de membros dos consellos escolares de centros docentes sostidos con fondos públicos, informámosvos que este curso celebraranse as eleccións para a renovación parcial dos membros do CONSELLO ESCOLAR que é o órgano de participación de todos os sectores do colexio.

Podedes consultar toda a información relativa ao proceso no documento adxunto ou premendo neste enlace.

EXPOSICIÓN DE CABAZAS E CESTAS DE OUTONO 2021

20/10/2021 15:27
Atlantic/Bermuda

Este curso celebraremos o Samaín e o Magosto, cunha exposición de cabazas e cestas de outono.

Crea ou decora a túa cabaza ou cesta con produtos do outono e anímate a traela ao cole.

Terás de prazo ata o martes 26.

Esperamos a vosa colaboración!

INFORMACIÓN COMEDOR ESCOLAR

Benqueridas familias, este ano como novidade no comedor escolar teredes que descargar unha aplicación para darvos de alta no servizo.

Tedes toda a información pertinente na columna da esquerda, no apartado SERVIZOS---COMEDOR (arquivos adxuntos) ou nesta mesma entrada.

Distribuir contido


by Dr. Radut