A saúde do planeta estase a deteriorar debido ao aumento das temperaturas, a acidificación da auga, á aparición de especies invasoras, ao esgotamento dos recursos naturais e á contaminación dos ecosistemas terrestres e marítimos. A actividade desta semana ten unha mensaxe medioambiental.
Pica neste enlace para acceder aoMINIPROXECTO AMBIENTAL con actividades de música, lingua e reciclaxe.
25 de maio - 5 de xuño
1.Le o seguinte texto
Historia do Camiño de Santiago
Din as lendas que no ano 820, o eremita Paio descubriu restos do apóstolo Santiago no monte Libredón, no lugar onde hoxe se ergue a catedral de Santiago.
O rei de Galicia e Asturias, Alfonso II, visitou o lugar no ano 899 e mandou construír alí unha capela.
O Camiño de Santiago viviu momentos de esplendor nos séculos XII e XIII; sobre todo coa implantacion das ordes monásticas do Císter e Cluny. Nos seguintes séculos decaeu un pouco por mor das guerras europeas, da Reforma relixiosa e da Revolución Francesa.
Pero, alá polo século XIX, volve a ter un importante pulo grazas aos viaxeiros románticos ingleses que se namoraron de Cospostela... e ata hoxe, que é unha das rutas máis seguidas por viaxeiros de todo o mundo.
25 ao 29 de maio
2.PREGUNTAS DE COMPRENSIÓN:
-Busca no dicionario: verea, eremita, pulo, por mor de.
A profe Carmela evíanos esta presentación das Letras Galegas 2020. Fai clic na imaxe/manualidade e anímate a facer algunha actividade plástica: marcapáxinas, decoración de pedras, debuxos...
1.Escoita enteira a biografía de Carvalho Calero cantada con acompañamento de guitarra. Podes tomar nota dos datos máis relevantes, ordenados cronoloxicamente.
Nestoutro vídeo alumnas/os de 5º do CEIP S. Pío X cóntannos a vida e a obra de Ricardo Carvalho Calero
2. Xogo de comprensión para repasar aspectos fundamentais do autor: LETRAS GALEGAS 2020
3. Para ler fragmentos da súa obra e responder a preguntas de comprensión. Enlace do Seminario Galán
A FALA:Ricardo Carballo Calero defendía que o galego forma parte do mesmo espazo lingüístico e cultural que o portugués, polo que ao seu ver, era necesaria unha aproximación ortográfica a este idioma. Pertencía ao grupo dos reintegracionistas ou lusistas.
ACTIVIDADES
4. Escribe unha biografía de Carvalho Calero cos datos máis relevantes da súa vida e obra: onde naceu, que estudou, de que traballou, algúns dos títulos dos seus libros de poemas, teatro, logros e nomeamentos, dificultades que tivo na súa vida.
5.Gramática: "Pretérito Imperfecto" e "Futuro condicional" son títulos de poemarios (obras líricas) do autor. Revisa estes tempos verbais e analiza estes verbos; persoa, nº, tempo (copretérito e postpretérito) e modo:
resistiría
soñabamos
estudaban
volveríades
6. Estudo da lingua: Para Carballo Calero a lingua galega era unha variante da lingua portuguesa. Por iso cambiou o seu apelido. Relaciona os nomes das dúas columnas.
SONS DA LUSOFONÍA
fiestra
equipa
galiña
chuva
equipo
carvalho
choiva
janela
carballo
galinha
Agora que xa sabes moito sobre Ricardo Carballo Calero imos xogar coas palabras, recorda que foi filólogo. No seu libro "A xente da Barreira", Ricardo Carballo Calero, empregou palabras enxebres coma: Adobiar, empardecer, encol, compango, latricar...
- Encontra ti a definición correcta neste Trivia Carballo Calero
7. INVESTIGA Nomea 4 países nos que se fale portugués indicando o continente no que se atopan.
- Sabes onde está a rúa Carballo Calero en Ourense? Podes buscala no Google Maps empregar a túa hora de paseo e ir ata alí, sacarte unha foto ao lado do nome da rúa ou nunha ubicación da rúa que che guste e compartila.
Se queres compartir un vídeo, cunha canción ou interpretación instrumental, accede á plataforma: https://flipgrid.com/salial3627 Ollo só tes 45 segundos. Se o fas desde o móbil, antes terás que descargar aApp e escribir o código da actividade. Grávase pulsando sobre o círculo verde e ao pulsar sobre a flecha verde, subirá automáticamente.
Coplas dos Maios
Debido á situación excepcional que estamos a vivir, este primeiro domingo do mes de maio, non se van poder celebrar os MAIOS. No seguinte vídeo explícannos de xeito claro en que consiste esta festa tradicional de Ourense.
Preparando o día do libro: 23 de abril Día do libro
Data límite de entrega o 23 de abril.
1. Le o libro online
2. Responde as preguntas. Podedes responder no caderno ou nun procesador de texto (Doc, open office, Drive- doc...)
3. Envia as tarefas por apartados, para facilitar a corrección e o seguimento.
Pica no enlace ou no libro para ler online "Fred Quincalla, o nómade do mar" da escritora Teresa González Costa e Marina Seoane (ilustradora). Ed. Xerais.
Temas e valores que traballa o libro:
* A procura da identidade propia
Fred Quincalla dubida de si mesmo e das súas calidades ata que coincide con outros seres semellantes a el que lle permiten valorar o que tiña de diferente e de único.
* A aceptación do diferente
A posta en valor do que non encaixa exactamente nos moldes dunha sociedade dada.
* A persistencia da esperanza
Expresada a través dos azos que dá a balea a Fred Quincalla cando este xa semellara perder toda esperanza de atopar o seu lugar no mundo.
ACTIVIDADES
VOCABULARIO E GRAMÁTICA
- Escribe unha frase ou un parágrafo no que apareza un substantivo, un adxectivo, un verbo un adverbio e unha preposición que describa a un dos personaxes da historia.
- Fai unha análise morfolóxica dunha das frases que escribiches na actividade anterior (subst. Artigo... xº, nº, verbo, persoa, nº, tempo e modo)
- Na novela aparecen nomes de animais acuáticos. Nomea algún.
- Barco, pesca, son palabras primitivas, Forma familias léxicas-comparten o lexema- (páx. 127 do libro)
- Localiza na historia 5 verbos conxugados regulares e 5 verbos irregulares e analízaos. Persoa, sing/pl, tempo, modo, verbo, conxugación.
ORTOGRAFÍA
- As seguintes palabras que aparecen no libro escríbense con b/v Revisa as normas de ortografía e explica a regra que seguen. Engade 3 palabras máis a cada lista. (Revisa a páx. 130 e 131 do libro)
Pensativa, fuxitivo, novo
Deixaba, chamaban, baixaba
Obxecto, observando
Palabras, brazos,
Buscan, burbullas, buguina.
LITERATURA
- Que clase de texto narrativo cres que é? Por que? Consulta a páx. 85 do libro de lingua
- Onde ocorre a historia?
- En que persoa está narrada?
- Que personaxes interveñen? Principais, secundarios, reais, imaxinarios. Consulta a páx. 117 libro de lingua
- Na páxina 62 aparece o poema que o capitán do barco pirata dedica a Fred Quincalla cando se ve na obriga de botalo do barco por medo a un motín da tripulación. Constrúe un poema similar, de oito versos, destacando o bo carácter de Fred Quicalla e como o recibirías ti na túa casa.
- Por que os piratas non aceptan a Fred Quincalla?
- Por que ao gato que habitaba no barco pirata só lle quedaban tres vidas?
- Se tiveses que caracterizar con só dúas palabras tanto aos habitantes de Mecánica como de Astetik. Que palabras usarías?
Resúltannos a todos/as uns días novidosos, e necesitaremos uns días para coller o ritmo. Estes son algúns consellos para poñernos en marcha. 
