|
O CEIP. Virxe da Barca está situado no Monte Enfesto, na vila mariñeira de Muxía. Preme aquí para saber como chegar. A lingua vehicular é o galego, cunha forte variante local. |
| C.E.l.P. " VIRXE DA BARCA " conta con 4 unidades creadas, distribuídas do seguinte modo: 2° Ciclo de Educación Infantil: 3º Nivel e 4º e 5° Nivel agrupados.
1° Ciclo de Educación Primaria: 1° Nivel e 2° Nivel agrupados.
O C.E.l.P." VIRXE DA BARCA" é un Centro incompleto xa que o 2° e o 3° Ciclo de Educación Primaria están escolarizados no C.E.l.P. " OS MUIÑOS", vila distante a uns 3 kms de Muxía. O grupo docente está formado por 2 mestras de Educación Infantil e 3 especialistas, un en Música, outra en Inglés e outra en Pedagoxía Terapéutica, que realizan ademais funcións titoriais e de apoio á titoría. Acude ó Centro unha mestra de Relixión, impartindo esta materia nas tres aulas, unha orientadora os mércores e unha especialista en Audición e Linguaxe os venres. Tamén contamos cun conserxe que nos axuda e se implica moito.
Este Centro ten unha nova ubicación desde mediados do curso 1.998 -99. É, por tanto, un edificio novo con modernas instatacións que ten en conta a eliminación de barreiras arquitectónicas (ascensor, servicios adaptados para minusválidos, rampa de acceso,...). Conta coas seguintes dependencias: No soto hai un ximnasio cos correspondentes servicios e coas instalacións da caldeira de calefacción, maquinaria do ascensor,... e un patio de cemento con distintos xogos. Na planta principal están as aulas de Educación Infantil, a sala de mestres, despacho de Dirección e de Orientación, Conserxaría, os baños e no exterior o patio de Educación Infantil.Nun andar inferior a este, baixando unhas escaleiras está o patio de primaria. Na primeira planta hai 2 aulas de Educación Primaria, uns baños, unha aula de Educación Musical e unha biblioteca, que tamén realiza funcións de sala de proxeccións e de Salón de Actos para as diferentes celebracións do Centro. |
Neste blogue atoparedes distintas actividades de ciencias naturais, música e plástica. Ten moitas entradas, xa que foi creado fai varios meses con propostas para distintos niveis, pero o traballo específico para estes días é a partir da entrada do 24 de novembro, aínda que vós podedes practicar e traballar co que queirades. Unha aperta moi forte e ánimo que nos vemos dentro de uns días!!
Publícase o horario de atención ao público de dirección.
Recordade que, neste curso, a atención, sempre que sexa posible, será teléfonica (881880794).
Publícase o Plan de acollida do noso centro.
Nel podedes ver as medidas relativas a incorporación do alumnado neste novo curso marcado polo COVID 19.
CLIC ENRIBA DA IMAXE PARA VISUALIZAR
