Complementarias
25 de Novembro: Día Internacional contra a Violencia de Xénero
Durante a semana do 25 ao 29 de novembro realizamos diversas actividades relacionadas coa temática da igualdade que vos presentamos a continuación:
DÍA DAS BIBLIOTECAS ESCOLARES 2019
O 23 de outubro celebramos o día das Bibliotecas Escolares no noso centro. Como sempre, a profe Uxía repartiu os carnés, informou do funcionamento e partes da Biblioteca e deu o pistoletazo de saída ás mochilas viaxeiras.
Este curso como novidades temos:
1º ACREDITACIÓNS DOS NOVOS ALUMNOS COLABORADORES DA BIBLIOTECA.
2º SUSCRICIÓN Á REVISTA PAPAGAIO
3º O LECTÓMETRO
O alumnado de Primaria poderá contabilizar os libros lidos este curso coa axuda do lectómetro que está na nosa Biblioteca.
4º A MÁQUINA DA VERDADE
O alumnado que lea o mesmo libro poderá someter ao seu compañeiro-a de lectura ao polígrafo con preguntas sobre o mesmo. Primeiro terán que ler o libro e formular as preguntas na seguinte solicitude dirixida a Ratoteca, a mascota da nosa Biblioteca.
Unha vez que Ratoteca lle comunique o día e a hora, poderán xogar.
SAÍDA AFUNDACIÓN PONTEVEDRA
O luns día 21 de outubro o alumnado de 3º,4º,5º e 6º de Primaria desprazouse a Pontevedra para desfrutar da obra teatral" TROYA" que forma parte da axenda cultural para escolares de Afundación. Acudiron acompañados dos seus titores.
A obra está baseada na concienciación aos estudantes sobre un tema de actualidade moi preocupante: os fraudes tecnolóxicos.
Os nenos e nenas divertíronse moito causándolles, sobre todo, moita curiosidade certos temas que ían dende a HISTORIA DE TROYA ata temas máis tecnolóxicos e afectivos.
AQUÍ VOS DEIXAMOS UHA IMAXE DESE DÍA
ENTREGA DE PREMIOS
Como ben sabedes, o proxecto do curso pasado que realizamos xunto co CEIP Nosa Señora das Dores e o CEIP San Xoán Bautista, recibiu dos premios.
Pois chegou a hora de recollelos e así o fixeron os directores dos tres centros e a coordinadora do Proxecto: María Abilleira.
Deixámosvos o enlace da noticia que publicou o Faro de Vigo. Para nós é un orgullo recibir estes dous premios e queremos volver a dar as grazas ao alumnado e ás familias polo seu esforzo e adicación.
- « primeira
- ‹ anterior
- …
- 4
- 5
- 6
- 7
- 8
- 9
- 10
- 11
- 12
- …
- seguinte ›
- última »