O noso colexio distribúese do seguinte xeito:
Edificio principal, situado en Montemogos, onde se ubican as aulas de Primaria e Infantil. Neste edificio, ademais dos espazos das seis aulas de Primaria e das 3 de Infantil, dispoñemos de salón de actos, aula de psicomotricidade, aula de música, laboratorio, ximnasio, biblioteca, copistería, comedor, patios de Infantil e patio de Primaria.
Durante o curso 2010/11, tivo lugar o traslado do alumnado de Infantil de Curraces ao edificio principal e no curso 2011/12, o traslado do alumnado de Infantil de Bon e Cabalo. Esta modificación supón un beneficio para o alumnado máis cativo, entre outros aspectos, porque poden facer uso de moitos máis recursos (internet, pizarra dixital, biblioteca, laboratorio, aula de música, transporte escolar...).
