Estimadas familias;

Estes dous próximos xoves celébranse nalgunhas zonas de Galicia o XOVES DE COMPADRES e o XOVES DE COMADRES, polo que pedimos a colaboración das familias para a elaboración dos “compadres” e das “comadres”; uns pequenos bonecos ou “mecos” burlescos da imaxe femenina e masculina ( de papel, cartulina, paus, teas, la,…).

Estes bonecos usarémolos para correr os Xoves:

-O XOVES DE COMPADRES ( 17 de febreiro) as RAPAZAS traerán os séus bonecos (“compadres”) e os rapaces intentarán arrebatarllos.

-O XOVES DE COMADRES ( 24 de febreiro) os RAPACES traerán as súas bonecas (“comadres”) e as rapazas intentarán arrebatarllos. Para que a festa teña éxito é preciso que o alumnado confeccione os séus bonecos e, ademáis, os que participen gañarán un NOVO CARIMBO para a súa CREDENCIAL DA LINGUA.

OLLO!!!: OS QUE NON TRAIAN OS BONECOS, NON PODERÁN PARTICIPAR NO XOGO!!

Animádevos, que é moi divertido! En internet tedes algúns exemplos de “compadres” e “comadres”. Podedes ir traendo os bonecos dende o LUNS 14 de febreiro para adobiar o colexio.

Moitas grazas pola vosa colaboración e especialmente a Piloño polas súas propotas educativas.

Equipos de Biblioteca e Dinamización do CEIP de Laredo.