TAREFA SEMANAL do 8 ao 12 de xuño
TAREFA SEMANAL DO 8 ao 12 de xuño
Ola a todos.
Unha semana máis coas nosas tarefas. Veña, un último esforzo que xa queda pouco.
-LINGUA GALEGA
Lectura e comprensión do texto. Logo contesta as preguntas
As cousas de Anxos
Chámome Anxos, pero segundo a miña avoa parece que, malia o nome, son un demo rabudo.
Teño oito anos e medio, pencas a varrer, un ordenador vello, sete bonecas, moitos contos–pero non tantos como me gustaría–, unha amiga moi amiga que se chama Xana Ourol Oliveira,un amigo –Roi Martíns– que me gusta moito, unha inimiga a morte –Einés Fariña Cu de Galiña–, unha irmá de dez anos bastante insoportable cuns pés enormes –gasta un 39!!!– e unha nai aforradora que, cando se decide a comprarnos roupa, é tres talles máis grande do que nos cómpre –«un pouco larguiña», segundo ela– e, cando nola fai poñer, a volta por dentro do pantalón chéganos aos xeonllos e os xerseis parecen camisas de durmir de la.
Parece que nós as tres –miña nai, Big Foot e eu–, tanto se hai crise coma se non, sempre andamos xustiñas de diñeiro.
Mamá está pagando a hipoteca do piso, que aínda non sei ben, ben, o que é, pero que, segundo a sabichona de Marta, miña irmá, a dos pés enormes, custa un ollo da cara e, ademais, nunca se dá acabado.
Estrella Ramón Pérez.
Anxos e a bruxiña (adaptación)
-LENGUA CASTELLANA
-MATEMÁTICAS