O CEIP Fontes Baíña respecta a DIVERSIDADE
O 28 de xuño é o Día INternacional do Orgullo LGTB. Coa finalidade de promover o respecto cara á diversidade afectivo sexual e de xénero (LGBTIfobia) demos a benvida no CEIP a Roberta, da Asociación Nós Mesmas. Este é un colectivo pola loita dos dereitos das mulleres lesbianas, bisexuais e transexuais, que traballa dende 2008 impartindo charlas e obradoiros sobre Diversidade afectivo-sexual e de xénero nos centros de ensino públicos da provincia de Pontevedra.
O obradoiro diversidade afectivo sexual e de xénero impartiuse nas aulas de 3º. 5º e 6º de primaria coa finalidade de educar dende as primeiras idades no respecto á diversidade, sexa da índole que sexa. O alumnado foi partícipe no proceso de aprendizaxe en valores. De xeito informal e flexible traballáronse os seguintes obxectivos:
-Previr o acoso entre iguais, o sexismo e a homofobia dende as primeiras idades.
-Favorecer o respecto ás diferencias persoais e familiares.
-Favorecer o coñecemento e o respecto polos dereitos humanos.
-Atender a diversidade afectiva e sexual do alumnado e das súas familias na aula.
Ademáis as alumnas e alumnos de 4º, 5º e 6º de Educación Infantil escoitaron o conto "Unha chea de familias" ,debuxaron e colorearon a bandeira arcoíris LGTB. As diferentes cores simbolizan a diversidade, e no CEIP Fontes Baíña respectamos de maneira inclusiva toda a diversidade de sexos e de xénero.
- 153 lecturas