slideshow 1 slideshow 2 slideshow 3

Conmeniño Saudable

Pinchade na imaxe e descubride as últimas novidades no blog de Conmeniño Saudable 

 

Últimas novidades

Pinchando na nosa mascota da biblioteca podedes acceder ao blog e consultar todas as actividades que se fixeron no segundo trimestre. 

ADMISIÓN ALUMNADO 24-25

 

Vacantes ofertadas

4º Educación Infantil: 20 prazas (3 NEAE)

5º Educación Infantil: 12 prazas

6º Educación Infantil: 12 prazas

1º Educación Primaria: 8 prazas (3 NEAE)

2º Educación Primaria: 9 prazas

3º Educación Primaria: 5 prazas

4º Educación Primaria: 7 prazas

5º Educación primaria: 4 prazas

6º Educación primaria: 12 prazas

Normativa de referencia

Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

Orde do 21 de outubro de 2022,pola que se desenvolve o Decreto 13/2022, do 3 de febreiro, ese regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica2/2006, do 3 de maio, de educación.

Instrucións da Dirección Xeral de Centros e Recursos Humanos sobre o desenvolvemento do proceso de Admisión de alumnado en centros docentes sostidos con fondos públicos para o curso académico 2024-25. 

RESOLUCIÓN do 10 de xaneiro de 2024, da Dirección Xeral de Centros e Recursos Humanos, pola que se dá publicidade do texto do Acordo entre esta consellería e as organizacións sindicais CC.OO., ANPE e UGT-SP Ensino sobre medidas que melloran o funcionamento do sistema educativo e as condicións laborais do persoal funcionario e laboral docente da Comunidade Autónoma de Galicia que imparte as ensinanzas reguladas na Lei orgánica 2/2006, do 3 de maio, de educación.

IES adscrito

- IES Monte da Vila

Servizos ofertados polo centro

- Transporte escolar

- Comedor escolar

Enlace aplicación

admisionalumnado

 

Marcha pola Paz 2024 (2ªedición)

O martes 30 de xaneiro celebramos o Día da Non Violencia e Da Paz. Comezamos cunha andaina arredor do centro acompañados das familias do noso alumnado. Esta é a segunda edición e esperamos poder realizar moitas máis.

Moitas grazas por acompañarnos!

De volta ao cole alumnado e profesorado fomos ao campo de herba escoitar un manifesto pola paz escrito polos nenos e nenas de sexto curso de primaria. 

Por outra banda, o alumnado de cuarto tamén leu o seu propio manifesto e recitaron os versos da canción Imagine de John Lennon, en inglés e en galego. 

Finalmente, todos os rapaces e rapazas acompañados dos mestres/as fixemos un baile ao ritmo da canción de Mama Cabra "Baile da Paz". 

 

DIPLOMA DE SOLIDARIEDADE

Grazas familias e alumnado pola vosa colaboración!

Alumnado de 6º de Educación Primaria > reserva de praza no IES adscrito

Aberto o prazo para a reserva de praza do alumnado de 6º curso de Educación Primaria no IES Monte da Vila.

Prazo: do 15 de xaneiro ao 5 de febreiro

Podedes consultar a información no seguinte enlace: 

admisionalumnado

As solicitudes de reserva podense cumprimentar de dúas maneiras: 

- De xeito manual, empregando o formulario en papel (arquivo adxunto).

- A través da aplicación: solicitudes > reserva > crear

Presentación das solicitudes

- No centro educativo (en horario de 9 a 9.35, de 11.15 a 12.05 e de 13.45 a 15.45h). 

- A través da sede electrónica (será necesaria a Chave365 ou o certificado dixital). 

O comportamento da aplicación depende de se a solicitude se cobre estando identificado ou non: 

Usuarios sen identificar: unha vez introducidos todos os datos deberán premer no botón crear , aparecendo unha mensaxe que permite descargar a solicitude e o anexo I que deberán presentar no centro educativo. 

Usuarios identificados: unha vez gravada a solicitude na aplicación, aparecerán as opcións para presentar e asinar a solicitude na sede electrónica ou para descargar o informe (solicitude) e presentalo no centro educativo. 

Pinchando no arquivo adxunto podedes descargar a solictude para cubrir de maneira manual. 

 

*O alumnado que teña intención de estudar noutro instituto diferente terá que esperar a que se abra o proceso ordinario de admisión (xeralmente a partir do 1 de marzo) e terán que recoller os impresos de solicitude no instituto elixido. 

  

CONCURSO PILABOT

Este curso imos participar no concurso PILABOT promovido pola Xunta de Galicia, Ecopilas, ERP e Ecolec, no que os centros teñen que recoller o maior número posible de pilas ou acumuladores. 

Pregamos que nos axudedes para poder conseguir premios que nos permitan a adquisición de material para o centro así como a realizacion de actividades educativas. 

**Pinchando no arquivo adxunto podedes ampliar a información.

Grazas a todos/as pola vosa colaboración!!!

SAMAÍN

O pasado martes celebramos o Samaín no noso cole. 
 Unha entrada arrepiante, Contos na lareira, merendas terroríficas, entrega de premios dos concursos de debuxos e de microrrelatos... E monstros, unha chea de monstros que invadiron aulas, corredores, patio... 
Se queredes ver un resumo da xornada, premede no vídeo tan chulo que fixeron as compañeiras de TIC. 
 

Theme by Danetsoft and Danang Probo Sayekti inspired by Maksimer