CEIP Plurilingüe Concepción López Rey

O Plan de Mellora de Bibliotecas Escolares (PLAMBE), programa no que estamos inmersos dende este curso 2023-2024, ofrécenos a posibilidade de traballar a lectura en formato dixital, dándonos acceso a unha plataforma de préstamos de contidos dixitais E-LBE.2, para ampliar as experiencias e a mellora da nosa competencia lectora e hábitos de lectura.

Publicada a Instrución 2/2023, da Secretaría Xeral Técnica da Consellería de Cultura, Educación, Formación Profesional e Universidades, do 1 de xuño, sobre o funcionamento dos comedores escolares de xestión directa no curso escolar 2023-2024, infórmase de que as familias do alumnado comensal no comedor escolar debe facer entrega do modelo-impreso de autodeclaración dos prezos públicos (ANEXO II) antes do día 1 de setembro de 2023.

Mediante este documento, as familias autodeclararán as circunstancias de carácter persoal e de renda neta per cápita familiar correspondente ao exercicio fiscal 2022, e, conseguintemente, determinarán a contía do prezo público que lles corresponde aboar.

A efectos de prestar axuda á hora de orientar ás familias no cálculo do importe de prezos públicos polo uso do servizo de comedor escolar, incorpórase a seguinte calculadora virtual (premer na ligazón).

Como podo presentar o modelo de autodeclaración?

O alumnado de nova incorporación ao CEIP Plurilingüe Concepción López Rey de Baleira que resultou admitido durante o procedemento de admisión, debe realizar a matrícula no prazo que vai dende o día 20 de xuño de 2023 ata o día 30 de xuño de 2023.

A documentación a presentar para a realización da matrícula é a seguinte:

Pode consultarse no taboleiro interior do CEIP Plurilingüe Concepción López Rey a listaxe definitiva de solicitudes de admisión admitidas e non admitidas. Se ben cómpre informar de que todas as solicitudes presentadas foron admitidas.

Pode consultarse no taboleiro interior do CEIP Plurilingüe Concepción López Rey a listaxe provisional de solicitudes de admisión admitidas e non admitidas. Se ben cómpre informar de que todas as solicitudes presentadas foron admitidas.

O alumnado que solicite posto escolar por primeira vez no CEIP Plurilingüe Concepción López Rey de Baleira, debe facer a solicitude de admisión seguindo as instrucións que se detallan no documento adxunto que se engade nesta publicación.

Ademais tamén se engaden noutros ficheiros anexos os impresos de solicitude de admisión en galego e castelán. Estes impresos tamén están ao seu dispor na aplicación 'Admisionalumnado' para realizar os trámite de xeito telemático.

• O prazo para a presentación da solicitude de admisión vai dende o 1 de marzo de 2023 ata o 20 de marzo de 2023.
• O prazo para formalizar a matrícula vai dende o 20 de xuño de 2023 ata o 30 de xuño de 2023.

Cómpre lembrar que tal e como se recolle no artigo 5 da Orde do 21 de outubro de 2022, pola que se desenvolve o Decreto 13/2022 e se regula o procedemento de admisión do alumnado nos centros docentes sostidos con fondos públicos, a admisión e matriculación nun centro docente público implica respectar o seu Proxecto Educativo.

Como se recolle na comunicación emitida pola Xunta Electoral, toda a información relativa ao proceso de renovación do Consello Escolar (censo dos/das pais/nais/titores legais, actas das reunións da Xunta Electoral, convocatorias, etc.) será publicada no taboleiro interior do CEIP Plurilingüe Concepción López Rey.

O xoves 13 de outubro tivemos a oportunidade de recibir no noso centro ás voluntarias do programa ‘Xacobeando’, un programa da Xunta de Galicia que ten o obxectivo de promover a solidariedade no Camiño de Santiago.

As voluntarias de Xacobeando que arestora se atopan no Camiño Primitivo ao seu paso polo Concello de Baleira transmitíronnos a importancia da sustentabilidade no camiño e na vida, concienciándonos sobre a necesidade de colaborar para poñer en marcha prácticas de reciclaxe e hábitos de consumo responsable.

Pero non só iso, senón que tamén tivemos oportunidade de poñer en práctica conversas en lingua inglesa dado que a maioría destas voluntarias procedían de diferentes países do continente europeo. Agardamos que volvades pronto! Come back soon!

Consulta aquí a listaxe de libros de texto para o curso 2022/2023.