O 21 de marzo de 2024 o alumnado de 4º C conmemorou o Día da Árbore realizando, xunto coa Concelleira de educación de Ordes, a plantación dun limoeiro proporcionado polo Concello.
IV EDICIÓN DA CAMPAÑA "COME LOCAL"
Durante o mes de marzo no noso comedor escolar puidemos gozar de varios menús feitos con algúns produtos galegos de proximidade e con indicativo de calidade proporcionados a tráves da Campaña "Come Local" , impulsada pola Xunta de Galicia a través de @experienciasdecalidadedegalicia.
ADMISIÓN DE ALUMNADO DE 4º DE E.I PARA O CURSO 2024/25
INFÓRMASE QUE, DESDE DIRECCIÓN XERAL DE CENTROS HABILITARON NO NOSO COLEXIO UNHA UNIDADE MÁIS DE 4º DE EDUCACIÓN INFANTIL (3 ANOS) PARA O VINDEIRO CURSO, POR ISO TODAS AS SOLICITUDES DE ADMISIÓN DE ALUMNADO DESTE NIVEL PARA O CURSO 2024/25 ESTÁN ADMITIDAS.
DEBERÁN FORMALIZAR A MATRÍCULA NO CENTRO DENTRO DO PRAZO DO 20 AO 30 DE XUÑO, AMBOS OS DOUS INCLUÍDOS.
INFORMACIÓN SOBRE O PROCESO DE ADMISIÓN DE ALUMNADO PARA O CURSO 2024/25
Rematado o prazo de admisión de alumnado de 4º de Educación Infantil para o curso 2024/25, no noso centro hai máis solicitudes que prazas, polo tanto ábrese un prazo de 10 días hábiles para achegar -presencialmente no centro- a documentación acreditativa dos criterios alegados na solicitude.
O prazo para esta entrega de documentación será do 1 ao 12 de abril de 2024.
O horario para a entrega de documentación o luns 1 de abril será de 10:00 a 12:00 h, e os outros días será de 9:15 a 13:30 h.
Medrar de forma saudábel nun mundo dixital. Charla-coloquio
Moitos son os organismos internacionais que alertan dos perigos do uso das pantallas na infancia, podendo afectar ás capacidades de concentración, aprendizaxe, empatía, frustración ou control de impulsos.
Como centro educativo, dende o CEIP ADR Castelao queremos tomar parte deste debate e convidamos a tódalas nais e pais, ou calqueira que queira, a participar nunha charla-coloquio que terá lugar no CEIP O Cruce de Cerceda o próximo venres 8 de marzo ás 18h.
Luthiers de 5º e 6º
O alumnado de 5º e 6º de Educación Primaria do Castelao exerceu de luthier e neste trimestre fabricamos instrumentos musicais con materiais de refugallo. Parabéns a todas e todos e ás familias que colaboraron na realización deste traballo.
Día de Rosalía (23 de febreiro)
O alumnado de 2º C estivo argallando un vídeo para conmemorar o Día de Rosalía (23 de febreiro).
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »
