Skip to Content

Secretaría

FONDO SOLIDARIO DE LIBROS DE TEXTO E AXUDAS PARA ADQUIRIR LIBROS DE TEXTO E MATERIAL CURSO 2022-2023

Ven, 21/05/2021 - 05:33 — admin

Estimadas familias:

Está aberto o prazo desde o día 19 de maio ata o 22 de xuño de 2022 (inclusive).

Poderase solicitar:

  • Fondo solidario de libros de texto: alumnado matriculado de 3º a 6º de Educación Primaria e ESO.

 

  • Axudas para adquirir libros de texto: alumnado matriculado en 1º e 2º de Educación Primaria.

 

  • Axudas para adquirir material escolar: alumnado matriculado de 1º a 6º Educación Primaria e ESO.

Poderase presentar presencialmente na secretaría do centro ou telemáticamente a través da aplicación Fondosolidario empregando calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e Chave365.

Recoméndase que a persoa solicitante sexa a persoa que vaia a recoller o vale de axuda de libros, material escolar ou os libros do fondo solidario. De non ser así para a recollida, haberá que traer unha autorización por escrito da persoa solicitante con fotocopia do DNI da persoa solicitante e da autorizada.

Cando o alumnado, no momento de presentar a solicitude, aínda non estea admitido en ningún centro docente para o curso 2022/23, deberá presentala no centro en que estivese matriculado no curso 2021/2022.

Podedes descargar aquí os Anexo I e Anexo II 

Ante calquera dúbida, podedes chamar á secretaria do centro 886 120 191.

 

 Máis información:

  • ORDE do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2022/23 (códigos de procedemento ED330B, ED330G e ED330H)  (Enlace aquí)

 

  • Manuel de usuario para os cidadáns: enlace.

ADMISIÓN CURSO 2021-2022

Xov, 25/02/2021 - 05:32 — admin

Estimadas familias:

Queremos informarvos que todo o alumnado que presentou solicitude de admisión para o curso 2021-22 foi admitido.

Podedes consultar as listaxes definitivas no taboleiro de anuncios do centro ou a través de aplicación admisionalumnado empregando a Chave365 ou certificado dixital da Fábrica Nacional da Moeda e Timbre.

En base ás recomendacións vixentes en materia de protección de datos persoais non se considerará válido ningún outro medio electrónico de publicación.

Recordade que tedes que formalizar a matrícula na secretaría do centro do 20 ao 30 de xuño.

 Un saúdo

 

XORNADA DE PORTAS ABERTAS

Mér, 03/02/2021 - 08:34 — admin

Estimadas familias,

este ano a xornada de portas abertas ten que adaptarse a nova realidade que estamos a vivir.

Imos a  subir certos vídeos e contido variado para que teñades unha visión global de como son as instalacións e como funciona o noso centro educativo.

Para todas aquelas familias interesadas en coñecernos de xeito presencial poderedes facelo do 22 ao 26 de febreiro, sería polas tardes (a partires das 16:00 e en quendas de 20 min. xa que non se pode recibir a máis de unha familia por quenda; estas establécense en función ao nº de familias interesadas). Pregamos que, de non considerar como fundamental este tipo de visitas, o teñades en conta para priorizar a aquelas familias que si senten esa necesidade.

Recibirase por estricto orde de reserva e a partires do día da presente publicación (enviando un correo electrónico a: ceip.carrasqueira@edu.xunta.gal  EN ASUNTO: Cita previa portas abertas Carrasqueira).

Estade pendentes da web xa que se renovará periodicamente con contido. Se tedes preguntas tamén podedes chamar ao teléfono ou enviar correos a tal fin; procuraremos respostar por este medio e o antes posible.

 Tedes información sobre o proceso de admisión no apartado de Secretaría.

Recibide un saúdo agarimoso,

 

O equipo do Carrasqueira.

PREME PARA TER ACCESO Á VISITA VIRTUAL

 

                         mano-imagen-animada-0022

VISITAS CURTAS: INFANTIL, PRIMARIA E EXTERIORES

 

RESERVA IES CORUXO CURSO 2022-23

Lun, 11/01/2021 - 08:54 — admin

 

Estimadas familias:

Do 11 de xaneiro ao 8 de febreiro está aberto o prazo para reservar matrícula para aqueles/as alumnos/as de 6º E. Primaria  que desexen continuar os seus estudos no IES Coruxo (centro adscrito).

Deben cumprimentar o impreso de reserva (Modelo ED550A) que poden recoller na secretaría do colexio e entregalo xunto cunha fotocopia do DNI do alumno/a ata o luns 8 de febreiro.

Tamén poden presentar a solicitude a través da aplicación "admisionalumnado"         

       

https: //www.edu.xunta.es/admisionalumnado

 

 

Os alumnos/as que pensen ir a outro centro escolar deberán entregar o impreso de admisión (Modelo ED550B) no centro escollido. Neste caso, o prazo de solicitude é do 1 ao 21 de marzo.

Máis información:

Orde do 18 de cembro de 2020 polo que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que imparten ensinanzas de 2º ciclo de educación infantil, de educación primaria, de educación secundaria e de bacheralato reguladas na Lei orgánica 2/2006, do 3 de maio, de educación (código do procedemento ED550A e ED550B). (DOG Núm. 256 do 22 de decembro de 2020)

 

Ante calquera dúbida, podedes consultar en secretaría.

Un saúdo

 

IMPRESO RESERVA IES CORUXO CURSO 2022-23

Distribuir contido


by Dr. Radut