Visita de TRUFA
Enviado por admin o 30 Abril 2015 - 9:14am
O alumnado de 1º de E. Primaria recibíu a visita de TRUFA, unha preciosa cadela labrador retriever de 4 anos, adestrada para aprender aos nen@s a controlar os seus impulsos, manter a atención e respetar o traballo do grupo. Un programa educativo innovador, moi motivador e... unha gran experiencia para rapaces e rapazas. Gustaríanos moito que Trufa volvese pronto! |
LETRAS GALEGAS 2015
Enviado por admin o 29 Abril 2015 - 4:09pm
Este foi o programa de actividades para a Semana das Letras Galegas: - Divulgación de materias impresos e exposición de murais sobre a vida do autor homenaxeado Xosé Filgueira Valverde. - Festival de cine "Cans-Tintureira": proxección de películas e coloquio sobre elas. - Venres 15 de Maio:
|
Traballando coas plantas
Enviado por admin o 27 Abril 2015 - 4:09pm
O curso 1º de E. Primaria desenvolveu un interesante proxecto sobre as plantas. Traballaron e experimentaron con elas. Foi unha experiencia na que aparte de aprender, divirtíronse e ademais traballaron de xeito colaborativo. Podes comprobalo na reportaxe fotográfica premendo na imaxe. Volve a premer en cada foto e poderás velas máis grandes. |
MATRICULACIÓN CURSO 2015-16
Enviado por admin o 27 Febreiro 2015 - 10:52pm
Ábrese o periodo de matriculación para o vindeiro curso co seguinte calendario: Pincha aquí para ver a lista definitiva de admitidos. Pincha aquí para descargar a solicitude de admisión. Pincha aquí para obter máis información. |
CONCERTO NO COLEXIO
Enviado por admin o 24 Febreiro 2015 - 6:02pm
O alumnado de 4º a 6º disfrutou dun concerto de música na Biblioteca do colexio a cargo do grupo Xoubrass, formado por profesores da Escola Municipal de Música de Vigo. Foi un concerto moi divertido e instructivo grazas ás explicacións dos músicos sobre cada un dos instrumentos. As pezas que interpretaron gustaron moito e ao final conseguiron facer bailar a todo o público. |
VISITOUNOS A ESCOLA INFANTIL LÚA
Enviado por admin o 20 Febreiro 2015 - 5:34pm
As nenas e nenos de 2 anos da Escola Infantil Lúa, a nosa veciña de Coruxo, viñeron de visita ao nos colexio. Confraternizaron co curso de tres anos, fixeron actividades na aula de Psicomotricidade, asistiron a un teatriño de guiñol na Biblioteca, cantaron, bailaron, xogaron e remataron a visita cunha chocolatada no comedor. Foi unha visita moi completa que esperamos lles gustase. Nós, como sempre, tan contentos de recibilos. |
ENTROIDO 2015
Enviado por admin o 4 Febreiro 2015 - 6:23pm
Seguindo o dictamen da Meiga Tintureira, este ano o Entroido vestiuse de cine. Todas as comparsas viñeron disfrazadas de motivos cinematográficos. Durante a semana cumprimos os mandatos do Meco que tamén estiveron relacionados co cine. O venres 13 os actos empezaron co pregón do Entroido e continuamos coa presentación das comparsas no patio cuberto do colexio. O mal tempo impediu o desfile e obrigounos a aprazar o xuízo do Meco. Iso si, comer, comemos ata fartar nunha nova edición da Festa Gastronómica que compartimos con todas as familias. |
APUNTÁMONOS AO PROA
Enviado por admin o 30 Xaneiro 2015 - 8:15pm
O colexio solicitou, e foille concedido, o Programa de Reforzo, Orientación e Apoio (PROA) promovido pola Consellería de Educación. Desenvolverase con alumnado de 5º e 6º de E. Primaria. Recibirán clases de apoio en horario extraescolar para reforzar así as súas posibilidades de éxito. |
DÍA DA PAZ 2015
Enviado por admin o 22 Xaneiro 2015 - 9:33am
O 30 de xaneiro celebramos o Día da Paz no colexio. Cantamos dúas cancións de amizade e convivencia: Cantarela dos nenos -máis coñecida entre nós por Amiguiños todos- e a canción en inglés Light a Candle for Peace. Varias alumnas de 6º leron uns fragmentos do discurso final da película "O gran ditador" de Charles Chaplin, moi relacionados coa celebración do Día da Paz e mais co noso tema anual do cine. As paredes e os taboleiros do colexio foron tamén adornados con carteis alusivos a ambolosdous temas. Para rematar, os nenos e nenas do colexio confeccionaron marcapáxinas aportados pola ONG "Save the Children" que se porán á venta proximamente para recadar fondos a favor da infancia máis necesitada.
|
NADAL 2014
Enviado por admin o 20 Decembro 2014 - 5:42pm
Na festa coas familias cantamos todos xuntos e compartimos doces navideños. Estas foron as panxoliñas que cantamos:
Dalle ao título de cada unha para escoitar a música e ver a letra Como fin de festa o profesorado interpretou a canción Xa me tardan estes Magos e por último houbo unha sorprendente actuación de nais, pais e achegados varios que bailaron ao ritmo do Jingle Bells Rock. Mira o álbum de fotos |
- « primeira
- ‹ anterior
- …
- 36
- 37
- 38
- 39
- 40
- 41
- 42
- 43
- 44
- …
- seguinte ›
- última »
![CEIP A PAZ RSS Distribuir contido](/centros/ceipapaz/misc/feed.png)