CONCURSO PASAPALABRA
Enviado por Marga o 20 Maio 2019 - 8:44pmOs nen@s de educación infantil e primaria participaron no concurso PASAPALABRA durante a semana das letras galegas.
As preguntas foron sobre a vida e obra do autor homenaxeado este ano, Antón Fraguas.
Aquí tendes aos gañador@s co seu premio, un pin-pandereita.
CELEBRAMOS AS LETRAS GALEGAS 2019
Enviado por Manuela o 16 Maio 2019 - 3:41pm
Hoxe celebramos o día das Letras Galegas no colexio, e comezamos coa visualización na biblioteca do sorprendente vídeo que realizaron un grupo de nen@s e profes do colexio, un traballo que nos deixou a tod@s abraiados. No seguinte vídeo os momentos desta celebración, que inclúe a exposición da biografía do autor Antonio Fraguas por parte do alumnado de sexto, recitado de poemas dos nenos e nenas de educación infantil, a entrega de premios do concurso literario, o himno galego cantado por todo o colexio e este mesmo himno acompañado á frauta polos nenos e nenas de sexto.
Un día das Letras Galegas para lembrar! Parabéns para tod@s!
|
ANTONIO FRAGUAS LETRAS GALEGAS 2019
Enviado por Manuela o 16 Maio 2019 - 10:26am
Co gallo do día das Letras Galegas presentamos este vídeo como a nosa particular homenaxe á figura de Antonio Fraguas, á súa vida e obra, e ao importante papel que desempeñou como divulgador da nosa cultura.
|
LISTAXES DEFINITIVAS ADMISIÓN ALUMNADO 2019/2020
Enviado por Manuela o 15 Maio 2019 - 12:29pm
Xa poden consultar a lista definitiva dos alumnos e alumnas admitidos para o curso 2019/ 2020 Lembren que no mes de xuño deberán formalizar a matrícula dos seus fillos/as entregando a documentación requerida na secretaría do noso centro. Mantéñanse informados na nosa web.
|
LISTA PROVISIONAL DE ALUMNOS ADMITIDOS
Enviado por Ángel o 24 Abril 2019 - 9:31am
Publicación das listas provisionais de alumnos e alumnas admitidos para o vindeiro curso 2019/2020. ADMITIDOS 4º CURSO Educación Infantil ADMITIDOS 6º CURSO Educación Infantil ADMITIDOS 1º CURSO Educación Primaria ADMITIDOS 3º CURSO Educación Primaria
Próximos prazos a ter en conta: - Publicación listas definitivas: ANTES DO 15 DE MAIO - Formalización da matrícula: DO 20-29 DE XUÑO
|
PLANTACIÓN NO MONTE DE CORUXO
Enviado por Manuela o 23 Abril 2019 - 7:57pm
Xusto antes de coller as vacacións de Semana Santa todos os alumn@s, mestres e algunhas nais e pais da ANPA do colexio BOTÁMONOS literalmente ao MONTE! Nesta ocasión ao monte de Coruxo. Alí participamos nunha xornada matinal de reforestación co obxectivo de reforestar con árbores autóctonas toda a zona queimada polos graves incendios que afectaron a toda a nosa contorna, e desta maneira recuperar o noso monte. Acompañados por algúns integrantes da Comunidade de Montes de Coruxo plantamos carballos e castiñeiros, e colaboramos a eliminar os exemplares de eucaliptos que estaban a medrar na zona. Os máis pequenos recibiron ademais unha charla sobre os coidados e a protección do monte.
Xa tendes dispoñible o enlace as fotos deste día!
|
Vacacións de Semana Santa
Enviado por Manuela o 18 Abril 2019 - 11:35am
Vacacións de Semana Santa Lembrámoslles que o período vacacional de Semana Santa abrangue ata o luns 22, polo que as clases comezarán o martes 23 de abril. |
DÍA DOS BOSQUES
Enviado por Marga o 8 Abril 2019 - 8:52pmCelebramos o DÍA INTERNACIONAL DOS BOSQUES cunha exposición fotográfica baixo o lema: Vivindo, disfrutando, descubrindo o monte.
Grazas ás familias participantes pola súa colaboración.
CHARLA PARA AS FAMILIAS
Enviado por Manuela o 3 Abril 2019 - 6:37pm
Desde o Departamento de Orientación gustaríanos agradecer ás familias a súa asistencia á charla celebrada onte no colexio titulada "A familia como factor de protección fronte ás drogas".
Esta charla está incluída dentro do Programa de Prevención no ámbito familiar do Concello "Máis que un teito". Este programa ademais das charlas para as familias inclúe outras varias co alumnado de 6º de Educación Primaria en horario lectivo. Lembrámoslles que a próxima charla para as familias terá lugar o martes 30 de abril, en horario de 17:00 a 18:30h, nesta ocasión o título da charla será "Resolución de conflitos". Agardamos a súa presenza! |
- « primeira
- ‹ anterior
- …
- 20
- 21
- 22
- 23
- 24
- 25
- 26
- 27
- 28
- …
- seguinte ›
- última »