Entroido

Benvidos á celebración do Entroido 2019!

Unhas marabillosas árbores de conto emerxeron no patio do colexio, e fabulosos personaxes percorreron este máxico bosque animados pola música e o baile.

Foi unha festa fantástica onde non faltou coma todos os anos a visita das familias, os desfiles, o xuizo e queima do Meco, e a xa nosa tradicional xornada gastronómica.

Agradecer ás familias que nos acompañasen ese día, e en especial á ANPA do colexio toda a súa colaboración, grazas a eles a organización da festa foi perfecta.

PREGÓN DO ENTROIDO 2019

XUIZO E SENTENCIA DO MECO 2019

ALBUM DE FOTOS

Para aqueles que non puidestes asistir á Festa do Entroido que celebramos este venres aquí tendes un resumo do ben que o pasamos.

Os profes do cole Tintureira queremos desexaros un divertídísimo Entroido!

Este venres, día 9 de febreiro, a partir das 12:00 da mañán, celebraremos a festa de Entroido no colexio. A partir desa hora as familias poderán acceder ao recinto escolar para participar con nós desta celebración.

O programa do día será similar a anos anteriores:

. Presentación de cada comparsa (no patio do colexio).

. Desfile das comparsas polo exterior do colexio (se o tempo o permite).

. Xuizo do Meco

. Degustación dos pratos da "Xornada Gastronómica" (13.30h) no ximnasio.

Os nenos e nenas sairán ás 14.15 como nunha xornada lectiva normal, os pais e nais deberán recoller aos seus fillos a esa hora.

MOI IMPORTANTE:

A familia do alumnado que ese día excepcionalmente non vaia facer uso do servizo de comedor ou do transporte, deberá comunicalo á dirección do centro antes do venres.

Non se poderá levar ás 14.15 a ningún neno/a usuario de comedor se non houbo unha notificación previa a ese día.

Aproveitamos tamén para informamos de que os días 12, 13 e 14 de febreiro non haberá clase, de acordo ao establecido pola Consellería no calendario escolar.

O Entroido anda cerca e o señor Meco xa anda a dala lata, polo que xa sabedes, non esquezades facer caso as súas ordes.

"TINTUREIRA EMOCIONA"

Este Entroido 2017 estivo cargado de

emocións e colorido!

ALBUM DE FOTOS

O venres 5 de febreiro celebramos no colexio a FESTA DO ENTROIDO, adicada nesta ocasión e por mandato da nosa Meiga Tintureira ao mundo da ciencia.

Disfrutamos dun tempo marabilloso, polo que puidemos desfilar polo patio e pasear os nosos disfraces polo barrio.

Finalizamos a celebración cunha nova FESTA GASTRONÓMICA, disfrutando dos ricos pratos preparados polas familias.

Toda a festa resultou un éxito e pasámolo estupendamente.

Ver galería de fotos

Estes foron os mandatos do Meco para a semana do Entroido:

O MECO MANDA, O MECO ORDENA,

CUMPLE A ORDE OU SUFRIRÁS CONDENA!

O MARTES tes que vir

cuns calcetíns moi coloridos

por fora do pantalón

e non fagas o remolón.

O MÉRCORES traerás

o nariz pintado de rato

se non queres caer nun burato.

A orde para o XOVES é traer

unha prenda de roupa do revés,

que che parece, como o ves?

O VENRES por fin virás

co teu fantástico disfraz,

cos teus amigos, profes e familia

do mellor Entroido disfrutarás.

  Seguindo o dictamen da Meiga Tintureira, este ano o Entroido vestiuse de cine. Todas as comparsas viñeron disfrazadas de motivos cinematográficos. Durante a semana cumprimos os mandatos do Meco que tamén estiveron relacionados co cine.

  O venres 13 os actos empezaron co pregón do Entroido e continuamos coa presentación das comparsas no patio cuberto do colexio. O mal tempo impediu o desfile e obrigounos a aprazar  o xuízo do Meco. Iso si, comer, comemos ata fartar nunha nova edición da Festa Gastronómica que compartimos con todas as familias.

Mira o álbum de fotos

O venres 28 de febreiro celebrouse no colexio o Entroido, inspirado nesta ocasión en temas mariños, co seguinte programa:

    1. Lectura do pregón (12:30 h)
    2. Presentación das comparsas:
           - E. Infantil: Piratas
           - 1º Ciclo: O fondo mariño
           - 2º Ciclo: Bañistas
           - 3º Ciclo: Medusas
    3. Desfile do Entroido
    4. Xuizo e queima da Sardiña
    6. Xornada gastronómica

Previamente a Sardiña mandounos unhas órdenes para cumprir cada día.

Mira o álbum de fotos

 Moitas fotos novas