O vindeiro xoves, 20 de xuño, convidamos a todas as familias que se incorporan ao noso centro a compartir connosco unha xornada de convivencia.
O novo alumnado poderá desfrutar cos seus compañeiros/as de diferentes propostas e actividades na aula, dunha merenda conxunta e do xogo libre no tempo de recreo.
NON DUBIDEDES EN ASISTIR!
Onte o alumnado de 4º, 5ºe 6º fixo unha saída a Pontedeume na que puideron coñecer a historia da vila facendo un roteiro polas súas rúas. Tamén tiveron tempo para facer un xogo nos xardíns de Lombardero e coñecer as árbores que habitan neles. Coñecer o seu patrimonio é parte fundamental da súa aprendizaxe!
Fantástica xornada en comunidade, onde a rapazada explicou ás familias os proxectos elaborados ao longo do curso 2023-2024.
Grazas a toda a comunidade educativa pola vosa asistencia, colaboración e bo facer!
O 5 de xuño celébrase o Día Mundial do Medio Ambiente. No CEIP de Andrade, levamos todo o curso escolar traballando en prol da sostibilidade, ecoloxía, reciclaxe e coidando a nosa contorna. No día de hoxe, queremos facer un recopilatorio de todas estas actividades que repercuten directamente no medio e que axudan a mellorar o noso planeta!
A pasada semana celebramos no colexio as Letras Galegas e os Maios. Para iso, traballamos nas aulas con diferentes materias a figura de Luísa Villalta, a homenaxeada deste ano. Para poñer o broche, o xoves 16 elaboramos entre todas e todos unha alfombra de flores. E, para facer unha boa festa, tocamos, cantamos e bailamos canciones tradicionais dos Maios. Pasámolo en grande!
Esta mañá o alumnado de 4º, 5º e 6º de Primaria asistiu á actuación de maxia do mago Pedro Bugarín. A temática elixida foi a Unión Europea e todos os trucos xiraron entorno a ela: moedas, bandeiras... Por aquí tedes unha mostra do espectáculo!
Onte no CFR de Ferrol tivo lugar a derradeira sesión do curso de formación para novas persoas coordinadoras de Polos Creativos. Nesta sesión tivemos a oportunidade de ser un dos centros en expor os seus proxectos dentro do programa educativo de Polos xunto con outros coles. O traballo realizado nas redes á hora de difundir os proxectos foi o principal motivo da nosa presenza Grazas ao @cfrdeferrol por contar con nós e destacar ao noso centro como exemplo de boas prácticas! Seguiremos traballando para que así sexa!!