Durante este ano, tanto nas clases de música como de plástica, traballamos coa proposta de "Proxectando en verde" como  fío condutor do curso.

   Así, no 2º nivel coa cantiga "Buscando Papá Noel", fixemos un mural dun bosque de Nadal e cantamos coa música de Susa Herrera.

Fixemos carteis con slogans para salvar o planeta, un mural primaveral con árbores, plantas e animais de todo tipo.

    Na clase de música aprendemos e cantamos a cantiga popular  ”Tres hojitas madre” cunha sinxela coreografía.

     No 3º nivel a partir da mesma cantiga fixemos debuxos, un libro para a biblioteca e cantámola así:

    No 4º e 5º nivel traballamos a partir da cantiga “ Aparta loureiro verde”.  E no 6º nivel aprendimos a tocala coa  frauta doce.

 LER  PREMENDO AQUÍ O ARTIGO COMPLETO COS TRABALLOS DOS RAPACES.

2º NIVEL

  Neste nivel traballamos durante este curso, conxuntamente os titores e titoras de segundo curso e a mestra especialista en Educación musical a partir da canción “Buscando Papá Noel” de Susa Herrera.

Traballamos tanto nas clases de música como de plástica durante o mes de decembro e durante o desenvolvemento da Unidade Didáctica do Nadal.

Nesta ligazón, publicada recentemente, está reflectida a nosa experiencia:

http://www.edu.xunta.gal/centros/ceipamaia/?q=node/610

Coa chegada da primavera tratamos de seguir co fío condutor,  que sería de novo un alegre e transformado bosque primaveral.

Retomamos para iso os slogans que traballaramos no Nadal, pero nesta ocasión propuxemos aos nenos/as de segundo, que en equipos e na clase de plástica, fixeran un cartel e que o decoraran.

   Aproveitando a saída a Apípolis, os nenos e nenas fixeron debuxos de abellas e bolboretas para decorar o mural. Completamos o mural con flores e algúns paxariños. En equipos tamén tiveron que  elaborar animais vertebrados. Para iso vimos distintas imaxes destes animais e observamos as súas características principais.

E así de bonito quedou o noso mural!

  Na clase de música aprendemos e cantamos unha cantiga popular sobre as árbores: ”Tres hojitas madre” e tamén fixemos con ela, unha sinxela coreografía. Todos se animaron a participar, pois o fixemos a modo de xogo: cada un propoñía un paso ou movemento e todos o repetíamos, iso si, ao ritmo sempre da música. Finalmente, cada clase creou a súa propia coreografía que os nenos e nenas de segundo, non se cansaron de bailar e practicar. 

3º NIVEL

  Traballamos  como no segundo nivel, a partir da canción “Tres hojitas madre”, conxuntamente titoras e a mestra de música.

  Unha vez motivados xa foi moi fácil aprendela, pois a todos nos gustou moito e logo nas nas clases de plástica, os nenos e nenas debuxaron libremente a partir da cantiga aprendida. Con todos eses debuxos tamén fixemos un libro para a biblioteca.

4º e 5º NIVEL

   Traballamos a partir da cantiga popular galega “ Aparta loureiro verde”.   Vimos fragmentos de vídeos coa interpretación da canción por distintas formacións instrumentais. Comprobamos, entón que é unha canción moi coñecida e popular en Galicia.

Cantamos a canción seguindo a letra e acompañados pola frauta pola nosa mestra de música.

6º NIVEL

   Traballamos tamén coa cantiga “Aparta loureiro verde” pero aprendendo a tocala e interpretala coa frauta doce.

Para empezar, na clase de música, propuxemos aos nosos alumnos/as que buscaran e seleccionaran na rede, cantigas populares galegas cuxo tema foran as árbores ou  as prantas.

Logo fixemos unha posta en común sobre a información atopada.

Na plataforma de Edixgal e dentro da área de música, se lles proporcionaron aos nenos e nenas diversas ligazóns con recursos, para traballar a cantiga e aprender a tocala, xa de forma máis autónoma, pero guiados sempre,  pola mestra de música.

    Os alumnos e alumnas do Ceip A Maía realizaron un traballo de busca para atopar mulleres que destacasen en todolos campos: científicas , escritoras, políticas,  pintoras, deportistas... e, antes de expoñelas, os de primaria fixeron estes flash mob cos seus achados. Ademáis fixeron con tódolos traballos os libros que agora están expostos na Biblioteca.

    O martes 20 de marzo recibimos no centro a visita de 3 xogadores (Everton, Isma e Armando) do SANTIAGO FUTSAL. Os rapaces de primaria do Ceip A Maía asistiron por quendas ao longo de toda a mañán a unha pequena charla cos xogadores e coa xefa de prensa do equipo e puderon facerlles as preguntas que quixeron. Tamén asistiron á proxección dun video. E como remate os xogadores díronlles autógrafos e regaláronlles entradas para o partido do sábado 30.

As fotos da visita están no PDF adxunto

 É o club máis laureado do fútbol sala galego, con 7 Copas Xunta, 1 Copa de España, 1 Supercopa de España e 1 Recopa de Europa.   

   Xa se achega o novo CONCERTO!. Será o vindeiro 16 de marzo no Auditorio de Galicia. Asistiremos á seguinte representación: A historia extravagante de Hipo & Gavante interpretada pola Banda Municipal de Música de Santiago de Compostela,  con narración de Nono Granero, o autor do conto.

   Recomendamos o seguinte libro para un mellor aproveitamento e disfrute do concerto.

"A historia extravagante de Hipo & Gavante"

Autor: Nono Granero Moya

Editor: Canica Books

E para máis información premede nestas ligazóns:

http://www.compostelacapitalcultural.com/detalles/18024/eventos.html

https://www.youtube.com/watch?v=BgX2wj-ARFc

Exposición dun traballo coordinado polo EDNL sobre o Entroido en Galicia, con información recopilada polos alumnos do ceip A Maía e materiais (murais e pantallas) elaborados por eles. A mostra está ubicada no segundo andar do colexio.

O Pazo do Faramello  está situado sobre o canón do río Tinto, afluente do Rio Sar, no lugar do Faramello no concello de Rois, provincia da Coruña.

Este pazo intégrase de forma espectacular na contorna natural que lle rodea é a contorna perfecta onde desenvolver actividades escolares nas que, desenvólvese de diferente maneira un contacto integral coa natureza, e ao tempo poténciase o coñecemento da ecoloxía e a historia de Galicia, por iso mereceu ser mencionado na obra da poetisa Rosalía de Castro, Camilo José Cela ou encomiado por Emilia Pardo Bazán. Ademais, durante a visita acompañounos a TVG facendo unha fermosa reportaxe sobre a mesma, que a podedes vela completa premendo sobre este enlace.

 Cando programamos unha saída co alumnado procuramos que lle proporcionen vivencias nas que participe a comunidade e que ao fin revertan sobre ela axudando a mellorala. Todas as actividades escolares  están enfocadas a un fin solidario, a plantación dunha árbore no Xardín do Recordo. un xardín público memorial á traxedia de Angrois no 2013, como colofón de cada visita

A nosa contribución para que quen visite o xardín foron un códigos QR con información sobre as árbores que plantamos, cercis siliquastrum  ou árbores do amor, para que quen o visite poida acceder no momento e in situ á información.

O noso agradecemento ao dono do pazo, Gonzalo Rivero de Aguilar, por poñer á nosa disposición e desfrute un entorno natural e único como é o do pazo. Tamén a unha parella, pai e nai dunha moza vítima do accidente do Alvia, que nos acompañaron na visita de xeito agarimoso  e discreto. Asun, nai de Laura (unha das vítimas do accidente) contoulles aos nenos e nenas que,  aínda na súa dor sen consolo apoian a Gonzalo na labor de seguir adiante co Xardín do Recordo, porque agora serán fermosas árbores as que lle lembrarán aos seus seres queridos.

O noso agradecemento tamén para Guillermo Crespo, membro da Fundación Internacional para a Restauración de Ecosistemas (FIRE), polas súas explicacións sobre a labor de reforestación de bosque atlántico que se está levando a cabo no pazo. E por último, o agradecemento á fotógrafa Elena Cerviño que foi quen de capturar fermosas e únicas imaxes que quedarán no noso recordo do que foi una marabillosa xornada didáctica nun entorno único.

Os pasados días 28, 29 e 30 de setembro tivemos un obradoiro de música, ECO PERCUSIÓN, en distintas sesións e espazos do colexio, magníficamente impartido polo músico cubano Edel, para os nenos e nenas de 2º a 6º cursos, no que, entre outras cousas, tiveron a oportunidade de tocar a batería ademais de escoitar diferentes ritmos interpretados polo percusionista como  bossa-nova,  paso dobre,  valse ou o reggaeton e tocar ritmos en eco,  empregando material de reciclaxe. Todo iso contaxiados polo entusiasmo de Edel pola música e pola percusión.

Máis fotos e debuxos dos alumnos e alumnas premendo AQUÍ

      Os pasados días 28, 29 e 30 de setembro tivemos un obradoiro de música, ECO PERCUSIÓN, en distintas sesións e espazos do colexio, magníficamente impartido polo músico cubano Edel, para os nenos e nenas de 2º a 6º cursos, no que, entre outras cousas, tiveron a oportunidade de tocar a batería ademais de escoitar diferentes ritmos interpretados polo percusionista como  bossa-nova,  paso dobre,  valse ou o reggaeton e tocar ritmos en eco,  empregando material de reciclaxe. Todo iso contaxiados polo entusiasmo de Edel pola música e pola percusión. 

 E algúns dos traballos dos rapaces:

   Esta semana das Letras Galegas o cole encheuse de galiñas... en homenaxe a Carlos Casares e a súa galiña azul.