6º Curso

Excursión 6º de Primaria a Manzaneda

   Os alumnos e alumnas de 6º remataron xa a primaria e andiveron polo colexio a despedirse de todo o mundo. Boa sorte rapaces na vosa nova andaina!.

  Podedes ver as fotos da excursión de fin de curso a Manzaneda premendo neste enlace ou na GALERÍA DA WEB.

 

Sofía Oriana Infante: unha compositora no colexio!

"Neste curso no colexio temos a sorte de ter  a unha compañeira facendo unha substitución na materia de música: Sofía Oriana Infante. Nunha conversa sobre música  e a materia  que ela vai impartir, coméntame que ademais de mestra especialista en Educación Musical é tamén compositora. Recentemente compuxo a banda sonora da película Elisa y Marcela de Isabel Coixet, entre outros  traballos.

Propóñolle entón que lles dé unha charla aos alumnos e alumnas de 6º curso. Inmediatamente Sofía acepta e a organizamos antes de que remate a súa substitución. Non é unha oportunidade que xurda todos os días e non queremos desaproveitala. Os nenos e nenas  coñecen e teñen referencia de compositores e de mulleres músicas, pero non de compositoras e nos pareceu  unha excelente oportunidade de que coñeceran esta profesiónda man dunha compositora de actualidade.

 Durante a interesante charla que Sofía ofreceu aos nenos e nenas de 6º,  faloulles sobre os anos de estudos e de formación que esixe chegar a ser compositora e animounos a perseguir e persistir para conseguir os seus sonos. Tamén lles explicou como algúns  compositores/as non dispoñen dunha orquestra cando están a compoñer, senón que utilizan, previo pago, as “bibliotecas de sons”.  Os nenos/as comprobaron a través de exemplos prácticos que ela puxo, como a música nos transmite moita información e por iso é fundamental nunha película. Amosoulles un dos seus traballos e lles fixo reflexionar  finalmente, sobre a importancia de estudar, coñecer e prepararse para poder diferenciar e seleccionar, a boa música.

 Os nenos e nenas, que amosaron moito interese polo tema, ao final poideron facerlle preguntas a Sofía. Algunhas delas foron, por certo moi interesantes: que sentiches cando te escolleron para facer a banda sonora desa película? ou, se poideras escorller compoñer unha banda sonora, para que director a farías?

  Como vedes a charla resultou tremendamente proveitosa como xa esperábamos e desde aquí queremos darlle a Sofía as grazas unha vez máis".

Ligazóns:  

www.sofiainfante.wixsite.com/composer                                          

https://www.google.com/search?client=firefox-b-d&q=sofia+oriana+infante+souto

 https://www.lavozdegalicia.es/noticia/ferrol/ferrol/2018/06/06/xan-viano-componer-coixetferrolana-referentes/0003_201806F6C12993.htm

 

Un traballo de interiorismo dos alumnos de 6º: MAQUETAS

   Os alumnos e alumnas de 6º realizaron estas MAQUETAS DAS HABITACIÓNS. Un traballo de "interiorismo" no que non esqueceron ningún detalle!. Ampliade a pantaia completa para apreciar o traballo realizado en cada unha. As maquetas están expostas no corredor do 2º andar. 

 

 

 

O alumnado de 6º foi aoTeatro

O alumnado de 6º asisteu no Principal de Santiago á representación de VALENTINO RUFINI E ÂKIL PILLABÁN DE VIAXE  A MILÁN  (E  VAN  SEN  UN  CAN)   pola Compañía Talía Teatro coa dirección de Roberto Salgueiro. Despois fixeron estes debuxos e comentarios sobre a obra.

Máis información sobre a obra a compañia de Teatro Talía e as unidades didácticas, premendo AQUÍ.

Contra a violencia de xénero

  Para conmemorar o 25 de novembro, os alumnos e alumnas de 6º fixeron carteis para reflexionar sobre a violencia de xénero. Está no segundo andar rodeando unha exposición que nos invita a intentar poñernos nos zapatos das mulleres maltratadas... Premede na imaxe de abaixo para ler e reflexionar como fixeron eles.

 VIOLENCIA DE XÉNERO

  "O Día Contra á violencia de xénero celebrase o día 25 de Novembro en todo o mundo para manifestarse e para denunciar polo maltrato físico a unha muller.

Empezouse a manifestar no ano 1981 en conmemoración a as tres mulleres agredidas (Patricia, Minerva é María Teresa)

Converteuse nun problema estrutural sobre as mulleres que (non valían nada) contra os homes.

Prodúcese por un problema social, tanto pode ser doméstico ou público en diferentes ocasiones: física, sexual, psicolóxica, económica, cultural e outras mais.

 NON  Á  VIOLENCIA DE XÉNERO"

                                     (Ana Saborido Arijón)

Concerto de armónica para 6º: por Jorge Bernal

   Concerto de armónica na Biblioteca para os alumnos e alumnas de 6º a cargo do profe de Música Jorge Bernal.

 

Día das artes galegas: Maruxa Mallo e os alumnos de 6º

Os alumnos e alumnas de 6º do Ceip A Maía fixeron un achegamento á obra da pintora surrealista galega Maruxa Mallo (Viveiro 1902- Madrid 1995 a quen se lle adicou este ano 2017 o Día das Artes por decisión da Real Academia Galega de Belas Artes.  (premer AQUÍ para máis información)

 

 

Os alumnos de 6º no Parlamento de Galicia

   O mércores, 25 de xaneiro os grupos de alumnos de 6º que colaboran na Biblioteca fixeron unha visita ao Parlamento de Galicia. Alí asistiron a un Pleno e despois tamén foron á Biblioteca Afundación

Ver máis información sobre esta visita no blog da biblioteca, premendo AQUÍ.

Aprendemos sobre o ADN con Ángel Carracedo e ademais, … “XOGANDO”!!!

    Para o alumnado e profesorado de Sexto, o pasado venres día 3 foi un día inesquecible!. Baixo a batuta de Ángel, chegamos ata a molécula máis importante dun ser vivo, a que contén toda a súa información xenética. Descubrimos o Libro da Vida das cereixas, do kiwi … Extraemos o seu ADN!!! … Que ben o pasamos!!!

 

     Moi posiblemente nuns pocos anos, algúns de nós,  como os equipos do doctor Carracedo, esteamos a traballar con moitos  Libros da Vida e descifrando os seus códigos  xenéticos. Polas combinacións das  súas letras (A, adenina; C, citosina; G, guanina e T, timina), saberemos das  características dunha vida e das mutacións dos seus xenes : axudaremos así a coñecer, a previr e a curar enfermidades!!!

 
        Namentres, ata ese día, seguiremos a aplicarnos a nosa particular lenda desas 4 letriñas: A (Amor pola ciencia), C (Curiosidade por saber), G (Gusto por traballar ), e T (Tenacidade para non rendirse).

   MOITAS GRAZAS Ángel, pola ilusión investigadora que sementaches en todos nós!!! … Ata o curso que vén, profesor Carracedo!!!

 

Homenaxe dos alumnos e alumnas de 6º B a Xosé Neira Vilas

  Segundo escribín na entrada anterior, Xosé Neira Vilas estivo falando  cos rapaces de 6º B a mesma mañá do xoves. Por unha serie de coincidencias chamou por teléfono cando eles estaban a piques de ler un dos seus poemas e falou cos nenos a través da súa profe. Fíxolles prometer que sempre lerían poesía... Agora as rapazas e rapaces enviaronlle a Marina a súa homenaxe personal a este gran escritor e aquí vola poño tal e como eles a escribiron:

"HOMENAXE do alumnado de Sexto B a Xosé NEIRA VILAS

Ai, amor!


Que lonxe!  Que lonxe estás!

Canta terra entre nós dous.

Pero dende que te fuches.

Ai, amor!  Ai, amor!

(Xosé Neira Vilas)

     O grupo de alumnos e alumnas de 6º B do Ceip A Maía tivemos a sorte de poder lerlle o poema “Ai, amor!” a Xosé Neira Vilas; escoitarlle e recibir, da súa parte, agarimosas palabras, animándonos a seguir lendo poesía.
    Isto que contamos, tería pasado en centos de veces con nenos e nenas de toda Galicia. Pero, no noso caso, foi algo especial: ocorreu o xoves día 26 de Novembro pola mañá, e esa mesma noite, faleceu na súa casa.
Estas son as nosas palabras de homenaxe e recordo ao escritor. E queremos que vaian acompañadas dunha promesa: non esqueceremos ler poesía nin as súas obras en prosa!
Balbino e Ruliño están tristes. Botan de menos ao seu pai.
Os nenos queremos que Xosé volva ás nosas vidas. De calquera xeito, sempre estará no noso corazón.
As alumnas e os alumnos de 6º B."

Distribuir contido