O traballo en equipos docentes
Tal e como adiantabamos na descrición deste módulo, e como poderás apreciar na clasificación de órganos de goberno que constitúen o teu centro, non estás só/soa no teu traballo. Formas parte dunha comunidade profesional, un claustro educativo que está, á súa vez, estruturado en equipos.
Tanto as tarefas docentes como calquera proceso de mellora ou innovación ten moitas máis probabilidades de alcance e perdurabilidade nun equipo coordinado. O claustro, como comunidade profesional de aprendizaxe ten a capacidade de construír o seu coñecemento a partir de dous procesos: aprender da experiencia acumulada mediante adaptacións progresivas de novas ideas ou propostas e aprender dos proxectos postos en marcha.
Este coñecemento permítenos ordenar os contidos das materias, homoxeneizar sistemas de avaliación, xestionar a carga de traballo entre materias, etc. A experiencia de aprendizaxe mellora considerablemente para todos os axentes da comunidade educativa se se parte dun enfoque coordinado e do traballo en equipo.
É certo que os procesos en equipo son complexos e requiren dun investimento en termos de tempo e esforzo, porén son moitos os beneficios derivados deles:
Máis recursos.
Maior creatividade.
Maior rigorosidade.
Experiencias de aprendizaxe máis ricas para o alumnado.
Maior entendemento dos datos.
Sentido compartido da responsabilidade (tanto dos éxitos como dos fracasos).
A continuación presentámosche unhas táboas onde poderás apreciar cales son os órganos de goberno unipersoais, colexiados e de coordinación docente, propios de cada tipoloxía de centro educativo en Galicia:
ÓRGANOS DE GOBERNO UNIPERSONAIS
ÓRGANOS DE GOBERNO COLEXIADOS
ÓRGANOS DE COORDINACIÓN DOCENTE