ORGANIZANDO UNHA VIAXE
Neste caderno atoparás os pasos a seguir para organizar unha viaxe moi especial.
6. O ENCONTRO COS LABREGOS E LABREGAS
Neste encontro primeiro imos presentarnos e despois imos facerlle as nosas preguntas e deixar que eles e elas nos falen das súas experiencias e que nos ensinen os seus cultivos e lugares de traballo.
Polo a este encontro nós aportamos a presentación e as preguntas.
Para facelas podemos contar coas ideas de todos os compañeiros e compañeiras da clase, así como dos profesores e profesoras que vos están acompañando neste proxecto da horta. Imos facelo a través do foro. Podemos pedir propostas e dar un prazo para que fagan as súas achegas.
A vosa labor é facer unha proposta que despois ten que ser aprobada por toda a clase.
No momento da actividade o mellor é que varias persoas participen na presentación e tamén á hora de facer as preguntas. Así todos e todas participades máis e podedes darvos a coñecer ás persoas que vos van recibir.
Polo tanto tamén tedes que asignar os papeis e preparar as preguntas e presentacións antes da viaxe.
En todo caso tede en conta que despois da planificación, no momento da xuntanza poden xurdir preguntas e comentarios espontáneos, e é moi importante deixarlles espazo. O mellor é que se estableza un coloquio no que a vosa curiosidade e a curiosidade dos vosos anfitrións vos leven a coñecervos mellor (nos esquezades que probablemente para estas persoas tamén sexa moi interesante coñecervos).