UN CONTO FANTÁSTICO. CREACIÓN COLECTIVA
Durante miles de anos a agricultura, xunto coa gandería, foi o medio de vida da maioría dos seres humanos de todos os continentes.
A agricultura inspirou moitas lendas, poesías, relatos e novelas.
Moitas destas creacións están inspiradas na relación especial que se crea entre o ser humano e a natureza cando a súa vida depende dela. Algunhas mostran unha visión máxica da natureza onde as plantas, os animais, os elementos atmosféricos incluso os minerais e as rochas comunícanse coas persoas. Fálannos de seres máxicos como as nereidas e os trasnos.
Agora nós imos facer a nosa creación literaria fantástica relacionada co mundo da agricultura e da natureza. Pero imos unir as nosas imaxinacións nunha creación en grupo.
¿Como imos facela?
Entre todos os membros do grupo ides escribir o relato nesta actividade que se chama "texto en liña". Cada un de vos vai escribir nunha cor diferente para recoñecer as achegas de cada un.
Sen poñerse de acordo no contido da historia, cada membro do grupo vai escribir unha frase, e frase a frase imos ir creándoa. Así que cada vez que escrebas tes que prestar moita atención ó que xa está feito para que a túa achega teña sentido co conxunto. En todo caso ó finalizar podedes retocala.
Para este traballo en grupo tede en conta todo o que aprendíchedes sobre o traballo colaborativo.