Mensaxería
Desde o apartado Accións > Mensaxería poderanse enviar mensaxes ás persoas responsables do alumnado.
No caso de acceder por primeira vez a este servizo (nin empregar esta funcionalidade na app abalarPro) non se verá ningunha mensaxe e só se terá accesible a opción Crear Mensaxe. No caso de ter empregado este servizo, poderase acceder á lista de mensaxes creadas e ver o detalle das mesmas, así como as posibles respostas no caso de habelas e ter habilitada esa opción para as persoas responsables do alumnado.
Ao acceder ao apartado Crear Mensaxe débese especificar:
- Tema da mensaxe que queremos enviar (coma o asunto dun correo electrónico).
- Decidir se se vai admitir ou non resposta.
- Seleccionamos o Tipo de mensaxe:
- Crear mensaxe privada por persoas dun grupo: crearase unha mensaxe privadas a/o alumno/a que se elixa. Poderanse seleccionar máis dun alumno/a.
- Crear mensaxe non privada por grupos completos: enviarase unha mensaxe a todo o alumnado do grupo que se seleccione e as posibles respostas só serán vistas polo profesor/a.
- Sala: enviarase unha mensaxe a todos os grupos que se elixa e as posibles respostas serán compartidas co grupo.
Novidade
No caso dos centros onde se imparten ensinanzas de ciclos formativos existe a posibilidade de notificar ademais algunha perda do dereito. Para isto débese de:
- Seleccionar Crear mensaxe privada por persoas dun grupo.
- Seleccionar o grupo.
- Premer en Si no apartado Notificación de perda do dereito. Ao premer si poderase seleccionar no despregable entre as opción de:
- Apercibimento perda do dereito da avaliación continua.
- Comunicación perda do dereito da avaliación continua.
- Apercibimento baixa de oficio da matrícula.
- Comunicación baixa de oficio da matrícula.
Última modificación: martes, 8 de novembro de 2022, 7:44 PM