Citas de titoría
Poderase ver o profesorado que imparte clase no curso do alumno/a e en cada caso poderase ver se a opción de Crear Cita está dispoñible ou non. No caso de que estea activada poderase solicitar unha cita de titoría. No caso de non ter dispoñible a opción de pedir cita xa aparece un aviso advertindo desta circunstancia. Neste caso a cita poderíase solicitar polas canles que se fai habitualmente.
Ao premer en Crear cita aparece unha nova ventá na que especifica o día da semana e a hora na que se pode solicitar titoría.
Haberá que especificar a data elixida, a hora de inicio que se propón (ter en conta as horas de titoría dispoñibles por parte do profesorado) e as observacións que se queren engadir a esa solicitude.
Por último premer en Gardar para que a solicitude lle chegue ao profesor/a.
Ao gardar a petición, vólvese á páxina inicial de Citas de titorías na que xa aparece a petición realizada. Desde esta ventá pódese ver:
- Estado da petición: neste caso pendente ata a confirmación ou non por parte do/a profesor/a.
- Motivo da anulación, cadro de texto onde se podería engadir un motivo polo cal anular a petición realizada. Unha vez se introduce o texto premer en Anular.
- Ver detalle da solicitude realizada previamente.
Unha vez recibida a petición por parte do/a profesor/a, recibirase notificación de aceptación ou anulación da solicitude (coma neste caso). Esta aceptación ou anulación comproborase no Estado da solicitude. O/A profesor/a pode propoñer outra data para poder realizar a titoría. Desde esta ventá pódese ver:
- Ver detalle da solicitude e a resposta por parte do/a profesor/a.
- Crear cita, para poder solicitar unha data acorde ás posibilidades do/a profesor/a e dispoñibilidade das persoas titoras do/a alumno/a.