Instalación da Maqueta Abalar Libre

Instalación en equipos UEFI

Este proceso consiste na instalación, en equipamento UEFI, do sistema operativo en dúas particións: unha EFI e outra para o resto do sistema. No caso de que se precisen máis particións, sería necesario realizar unha instalación personalizada.

Advertencia: Todos os datos almacenados no dispositivo serán eliminados e non poderán ser recuperados.

1º paso

Crear un USB de arranque a partir da imaxe ISO.

2º paso

Acender o computador coa opción de arranque desde USB como primeira alternativa, e seleccionar a entrada “Abalar”.

3º paso

Executar a aplicación de instalación do sistema, que se atopa en: 

“Aplicativos > Sistema > Instalador de Snapshot-Live”. 

Aparecerá unha xanela ou outra, dependendo de se existe ou non unha partición EFI no equipo:

 

 

4º paso

Manter seleccionadas, sen cambios,  as opcións que se mostran marcadas por defecto.

5º paso

Executar GParted para proceder a configurar as paticións do disco duro.

Para este caso, é preciso configurar 2 particións:

• Partición EFI: formatada en FAT32, tamaño de 512MB e coas marcas boot e esp. 
• Partición para o sistema: formatada en EXT4 e que ocupe o resto do tamaño do disco duro do equipo.

6º paso

Eliminar as particións existentes.
NOTA: Se o disco duro non ten configurada ningunha partición, hai que saltar ó 7º paso, xa que estas indicacións son para un equipo con particións, como por exemplo as da seguinte imaxe:

Se existe unha partición configurada con LVM, antes de eliminala, será preciso desactivar dita configuración, mediante o botón dereito e seleccionando “Desactivar”:

Eliminar todas as particións existentes, facendo clic co botón dereito sobre cada unha delas e seleccionando a opción "Eliminar". 

Finalmente débese pulsar sobre o botón "Aplicar" para que se fagan efectivos os cambios.

7º paso

Crear as novas particións, unha EFI e outra para o resto do sistema. Primeiramente, se non o está xa, crear a táboa de particións de tipo gpt.

No selector de tipo de particións debe seleccionarse a opción "gpt" tal como se mostra na seguinte imaxe:

Seleccionar “Nova” no espacio “sen asignar” para crear unha partición EFI con 512MB de tamaño e con formato FAT32:

A continuación utilizaremos o mesmo procedemento para crear a partición do resto do sistema, con formato EXT4 e o tamaño por defecto que ocuparía todo o resto do disco duro.

Por último, aplicamos os cambios:

Para a partición EFI é preciso “Xestionar as marcas”, polo que pulsaremos co botón dereito sobre esta partición EFI e seleccionamos as opcións "boot" e "esp":

Finalmente as particións quedarán da seguinte maneira:

Pechamos a aplicación GParted ... e continuamos coa instalación.

8º paso

Na seguinte pantalla que se nos presenta, debemos seleccionar a partición para a instalación do sistema operativo e o seu sistema de arquivos:

A continuación móstrase un resumo coa configuración que se realizará. Nesta pantalla deberemos pulsar sobre o botón  “Proceder coa instalación”:

Nas seguintes pantallas configuramos a área xeográfica, o fuso horario e as configuracións locais. As configuracións que se mostran a continuación xa aparecerán seleccionadas por defecto e simplemente deberemos aceptar cada unha delas.

 

Despois de aceptar (ou seleccionar) todas estas configuracións locais, a instalación iniciarase automáticamente despois duns segundos. Durante varios minutos realizarase de forma efectiva a instalación de acordo ás configuracións establecidas nos pasos anteriores.

Maqueta Abalar Libre