1.2 Cartafoles compartidos no equipo do profesor
Cartafoles compartidos no equipo do profesor |
En todos os equipos Abalar/Edixgal do profesor, existe un cartafol denominado "aula", que contén á súa vez dous cartafoles denominados "profesor" e "alumno":
Ubicación dos cartafoles no equipo do profesor
O profesor pode acceder a estes cartafoles desde o Xestor de ficheros que podemos atopar tanto na barra de tarefas da parte inferior do Escritorio, como no menú principal que se desplega ao pulsar o botón "Aplicativos".
Unha vez que se abre o Xestor de ficheiros veremos o cartafol "aula" que contén os outros dous cartafoles "alumno" e "profesor", tal como se mostra na seguinte imaxe.
O cartafol do profesor está pensado para que o docente poida compartir ficheiros cos seus alumnos, de xeito que estes poidan copialos ou executalos pero non modificalos. Por este motivo, o recurso compartido profesor é de acceso limitado:
- Só desde o equipo do profesor se pode crear, modificar ou borrar o contido do cartafol “/home/usuario/aula/profesor”.
- Os equipos do alumnado teñen únicamente acceso de lectura aos contidos depositados polo profesor neste cartafol.
Última modificación: Sábado, 23 de Novembro de 2019, 18:13