Publicada a Orde do 27 de xaneiro de 2014 pola que se convocan probas para a obtención de determinados carnés profesionais e habilitacións profesionais no ano 2014.
- Orde da convocatoria

O Programa eduemprende Actúa comeza o día 28/01/2014 no CIFP Ferrolterra e finalizará a finais do mes de marzo.

Na semana do 03/02/2014 ao 07/02/2014 as actuacións desenvolveranse en centros educativos de Santiago de Compostela, A Coruña, Lugo, Pontevedra e Ourense.

Erasmus + é o novo programa europeo de educación, formación, xuventude e deporte para o período 2014-2020. Co obxectivo de dar a coñecer as posibilidades de financiamento para o desenvolvemento de proxectos de mobilidade e de cooperación, o OAPEE, en colaboración coa Consellería de Cultura, Educación e Ordenación Universitaria, ten o pracer de invitar as institucións interesadas do ámbito da educación e da formación á participación na sesión informativa que se desenvolverá en Santiago de Compostela o día 5 de febreiro na Cidade da Cultura.

Publicada a Resolución provisional da comisión de selección dos proxectos de formación para profesorado de Formación Profesional presentados no segundo prazo.

- Resolución

Orde do 14 de xaneiro de 2014 pola que se convoca o proceso de acreditación de competencias profesionais adquiridas a través da experiencia laboral, na Comunidade Autónoma de Galicia, en determinadas unidades de competencia do Catálogo Nacional de Cualificacións Profesionais.

Publicada a listaxe definitiva de cualificacións da convocatoria ordinaria de carnés e habilitacións profesionais.

Asinouse o Acordo de colaboración entre a Consellería de Cultura, Educación e Ordenación Universitaria e a Consellería de Traballo e Benestar para a coordinación das ofertas de formación profesional nos centros que impartan ensinanzas de formación profesional da nosa Comunidade Autónoma. Nel establécese a oferta de cursos de formación para o emprego que se impartirán nos centros educativos durante o 2014.