O II congreso FPInnova Galicia comeza hoxe coa exhibición de 40 proxectos innovadores, nos que participaron 23 centros educativos e 30 empresas. A feira reunirá, ao longo de tres días e nun único recinto –o Museo Centro Gaiás da Cidade da Cultura de Galicia– a un total de 250 alumnos, que darán a coñecer, a través de actividades demostrativas, os 32 proxectos que desenvolveron na aula, así como as 8 miniempresas creadas ao abeiro do programa Eduemprende.