Ábrese o prazo de matrícula en ciclos e módulos de formación profesional con prazas vacantes desde o venres 2 de setembro ata as 13:00 horas do venres 23 de setembro de 2022.

Para matricularse nun ciclo con prazas libres a única condición é cumprir os requisitos de acceso para as ensinanzas correspondentes.

As persoas interesadas deberán formalizar a matrícula no centro educativo no que o ciclo formativo teña prazas dispoñibles. A matrícula realizarase por orde de chegada.

Para solicitar a matrícula en ciclos do réxime ordinario con prazas liberadas empregarase o anexo I.

Para solicitar a matrícula en módulos do réxime para as persoas adultas con prazas liberadas empregarase o anexo II.

A matrícula en calquera ciclo con prazas dispoñibles implica a renuncia a continuar no proceso de admisión e polo tanto a participar nas seguintes adxudicacións de prazas.

Réxime ordinario

• Ciclos formativos de grao medio con prazas dispoñibles
• Ciclos formativos de grao superior con prazas dispoñibles

Réxime para as persoas adultas

Modalidade presencial

• Módulos de grao medio con prazas dispoñibles
• Módulos de grao superior con prazas dispoñibles

  
Modalidade distancia

• Módulos de grao medio con prazas dispoñibles
• Módulos de grao superior con prazas dispoñibles