Os paxaros causan perdas importantes en cultivos e piscifactorías. Tamén poden transportar outras pragas e enfermidades nos seus corpos. A maioría de métodos para espantalos non ten en conta os factores que causan medo nos paxaros. Isto fai que sexan ineficaces unha vez que as aves se afán a eles. 

A compañía Kowat estuda o medo dos paxaros ante os seus depredadores (incluso predadores que están extintos pero que os paxaros seguen temendo institivamente) e constrúen drons que imitan o seu aspecto e comportamento, para que podan espantalos eficientemente. Os aparatos tamén dispoñen de altofalantes que reproducen o son dos depredadores e un piloto automático. Os últimos modelos de drons da compañía incorporan sensores que lles permiten esquivar obstáculos e perseguir obxectivos en modo de voo automático. Estas melloras optimizan o control de voo e permiten programar diferentes patróns de voo que reproducen o comportamento dos depredadores máis fielmente. 

Unha vez analizadas as especies de paxaros que atacan os cultivos ou as piscifactorías, a compañía selecciona un tipo de dron e define unha área de engalaxe e aterraxe. Despois prográmanse as horas nas que o dron debería voar dependendo do comportamento dos paxaros e prográmanse os patróns de voo. O dron engalará e aterrará automaticamente ás horas programadas. A efectividade do dron á hora de espantar os paxaros, compróbase periodicamente para facer axustes na temporización e o patrón de voo. Só é preciso dispoñer dun técnico especializado para poñer a traballar e facer controis periódicos do seu funcionamento. Unha vez feitos os axustes iniciais, a tecnoloxía opera automaticamente e non é preciso contar con man de obra especializada. Non obstante, as explotacións que contratan os servizos de kowat teñen que ter un traballador con licenza para operar drons de menos de 2 kg.

Os drons que imitan a depredadores dos paxaros evitan o uso de redes e outros métodos que poden danalos. Ao espantar os paxaros máis eficientemente tamén se evita a aparición de pragas e enfermidades transportadas por estes animais, reducindo o uso de pesticidas. Comprobouse que os drons teñen unha eficacia do 90%.