Navegación e pesca litoral
Cales son os módulos deste ciclo?
PRIMEIRO CURSO | HORAS |
Atención sanitaria a bordo | 53 |
Despacho e administración do buque | 107 |
Estabilidade, trimaxe e estiba do buque | 160 |
Formación e orientación laboral | 107 |
Inglés | 160 |
Técnicas de manobra | 160 |
Técnicas de navegación e comunicacións | 213 |
SEGUNDO CURSO | HORAS |
Empresa e iniciativa emprendedora | 53 |
Seguridade marítima | 157 |
Instalacións e servizos | 105 |
Pesca de litoral | 210 |
Procedementos de garda | 105 |
Formación en centros de traballo | 410 |
Que se aprende a facer?
A competencia xeral deste título consiste en organizar, xestionar e executar as actividades de buques, cuxas características e límites xeográficos determinen as administracións competentes para este nivel, dirixindo e controlando a navegación, a extracción, a manipulación e a conservación da pesca, respectando as condicións de seguridade e consonte a normativa.
En que ámbitos se traballa?
As persoas que obteñan este título han exercer a súa actividade, por conta propia ou allea, en buques de pesca e en buques mercantes, de natureza pública ou privada, cos límites e as atribucións que estableza a Administración competente.
Que ocupacións se desempeñan?
Patrón costeiro polivalente, local de pesca, dedicado ao transporte marítimo de mercadorías e/ou pasaxe, servizos de practicaxe, seguridade, salvamento marítimo, mergullo e investigación, patrón ao mando de buques de pesca ou mercantes; patrón, primeiro oficial e oficial de ponte en buques mercantes, pesqueiros e de pasaxe, coas atribucións establecidas para o patrón de litoral; mariñeiro pescador e de ponte; inspector de flota; supervisor de montaxe e armaxe de artes e aparellos de pesca; manipulador ou operario de elaboración; operario de envasamento e empaquetaxe; operador ou controlador de liña de envasamento; traballador na preparación de peixe para conservas; especialista en tratamentos de frío; elaborador de produtos da pesca e derivados, de conservas de peixe e de semiconservas, de conxelados e ultraconxelados; limpador e preparador de peixe para conservas.
Que título se obtén?
Técnico en Navegación e Pesca de Litoral.
A que outros estudos se pode acceder?
Este título permite o acceso directo a calquera ciclo formativo de grao medio ou superior. Tamén é posible obter o título de bacharelato matriculándose e superando unicamente as materias xerais do bloque de materias troncais da modalidade de bacharelato elixida, e a materia de Lingua Galega e Literatura.
Titulación profesional
Patrón/oa de litoral. Consulte as atribucións e os requisitos de obtención AQUÍ.
Máis información en www.edu.xunta.es/fp/