ESO / CB / CM/ BACH/ STEMBACH / CUALE
40 ANOS DE BACHARELATO EN ORTIGUEIRA
Neste curso 18-19 o Bacharelato cumpre 40 anos en Ortigueira. O IES de Ortigueira, daquela INB de Ortigueira iniciou o seu funcionamento no curso 1978-1979 nas instalacións onde hoxe está situada a Escola Municipal de Música, pois o edificio actual non puido ser inaugurado ata o curso 79-80. No ano 2003, co motivo do 25 aniversario, o centro elaborou unha revista, na que se recollen novas daqueles tempos publicadas na prensa local, e artigos de antiguo profesorado e alumnado do centro. As persoas que gostades das lembranzas podedes atopar información na Ligazón á revista que hai nesta páxina web, e neste artigo de Bernaldo Penabade, exalumno e exprofesor do centro, que amosa de xeito inequívoco a importancia do acceso universal á educación secundaria, que naqueles tempos aínda non fora acadado nestas terras. Tamén podedes observar a galería de imaxes. Debemos destacar que daqueles inicios aínda queda unha persoa en activo, a nosa administrativa Esther Garcinuño, que leva eses 40 anos de servizo público na Secretaría, acollendo con amabilidade e axudando a todas as persoas (alumnado e familias, profesorado, e persoal de administración e servizos) que foron pasando polo centro ao longo de todos estes anos.
1978 O primeiro claustro de profesorado co Director Enrique Tello. O claustro con Esther Garcinuño Fotos de Modesto Cheda (Conserxe do centro)
Foto de Esther con parte do persoal do centro o día da xubilación