Mañá, 26 de decembro de 2022, entre as 12:00 e 18:00, poderemos despedir á nosa querida compañeira Guada no tanatorio de San Marcos de Pontevedra, e transmitirlle á súa familia e seres queridos o noso cariño e ánimo nestes intres tan duros.
O IES Nº1 expresa a súa profunda conmoción por esta traxedia e levará unhas flores en nome de toda a comunidade educativa.
 
Deixamos constancia do enderezo do tanatorio:

TANATORIO SAN MARCOS
RÚA CAMPOSANTO, 2
36004 ( Pontevedra)
667755511
 
Á volta enfocaremos unha pequena homenaxe da que daremos datos o primeiro día de regreso das vacacións de Nadal.
 
Forza e ánimo nestes momentos tan tristes e duros.

O equipo directivo

Desde o centro lembramos a importancia de instalar a aplicación Abalar Móbil para facilitar a comunicación entre o centro e as familias. Aquí podedes ver dous vídeos explicativos sobre a instalación e rexistro na APP e sobre as súas funcionalidades.

Instalación e rexistro:

Funcionalidades:

O Departamento de Benestar Social, a través do Servizo de Educación e Apoio Familiar, organiza este interesante encontro para familias e anima á súa participación. 
Trátase dunha actividade impartida polo Centro Quérote + da Consellería de Política Social (Xunta de Galicia).

O obradoiro de Redes Familiares ten como finalidade crear un espazo de reflexión para familias no que compartir inquedanzas, dúbidas e dificultades na crianza. O obxectivo é construír ferramentas educativas que axuden na xestión diaria da educación no seo das familias e que contribúan positivamente no desenvolvemento das súas fillas e fillos.

Dende o Concello do Carballiño ofertarase un servizo de conciliación gratuíto para garantir chegar ao maior número de familias. Este servizo debe ser solicitado no momento da inscrición.

Para levar a cabo o obradoiro establecerase un minimo de 10 participantes e un máximo de 25. 

Prazo de inscricción: ata o 7 de novembro no Departamento de Servizos Sociais (tlf 988531076 ou educadorafamiliar@carballino.gal)