Estimadas familias.
Estes días chégannos moitas preguntas por parte das familias sobre o inicio do curso, un curso que segue sendo especial pero non tan distinto do que coñecíamos do curso anterior.
Deben saber que estamos a organizar e programar todos os aspectos escolares e materiais necesarios para que a volta sexa o máis segura posible e para que o noso alumando teña garantido o seu dereito á educación.
O noso propósito é comezar coa máxima normalidade e seguridade posibles e que o noso alumnado só teña que preocuparse dos seus estudos, aínda que como vostedes saben estamos nas mans dunha circunstancia imprevisible que cambia día a día.
Para conseguir a maior seguridade, é preciso cumprir as normas coa máxima firmeza. Este ano seguirán sendo moi estritas e toda a comunidade ten que comprometerse a acatalas.
Trataremos de facer unha reunión cos pais, non presencial, para aclarar nivel a nivel todas as dúbidas que vos poidan xurdir. Indicaremos na vindeira semana o día e as horas da mesma.
Lembren que todas as comunicacións faranse a través da páxina web do centro e nas aplicacións previstas para este tipo de anuncios: Abalar móbil.
Nelas tamén explicaremos as normas e a forma de proceder nos distintos escenarios que se poidan presentar.
Adiantamos esta información para a súa tranquilidade e para rogarlles a súa colaboración na consideración de se as comunicacións que teñan que facer co centro son urxentes ou non.
Moitas grazas.
Atentamente, Equipo directivo
