IES Camilo José Cela

A partir do 21 de maio e ata o 21 de xuño de 2024, está aberto o prazo para a presentación de solicitudes de participación no fondo solidario de libros de texto e nas axudas para material escolar para o curso 2023-2024. A disposición que regula esta participación é a Orde do 7 de maio de 2024, publicada no Diario Oficial de Galicia. Pódese acceder a un resumo premendo no seguinte enlace:

Resumo Fondo solidario de libros de texto

As solicitudes para participar neste procedemento presentaranse preferentemente por vía electrónica, cubrindo o formulario dispoñible na aplicación Fondolibros, dispoñible no seguinte enlace:

Aplicación fondolibros

Outro xeito de presentar a solicitude por vía electrónica é a través da sede electrónica da Xunta de Galicia (https://sede.xunta.gal), identificando a solicitude co código de procedemento ED330B. Para a presentación por medios electrónicos é preciso identificarse con Chave 365 ou outros mecanismos admitidos pola administración (DNI electrónico, certificado dixital).

Poderase presentar, tamén, a solicitude de xeito presencial nas oficinas do centro. Para a presentación presencial adxuntarase a seguinte documentación:

• Solicitude (ANEXO I).
• ANEXO II (Membros da unidade familiar). Estes dous anexos pode descargalos premendo neste enlace.
• Copia do libro de familia ou documento equivalente.
• En caso de separación ou divorcio, copia de sentenza ou convenio regulador.
• No seu caso, certificado de discapacidade do alumno ou alumna.

• Listaxe de libros de texto de ESO para o curso 2023-2024
• Listaxe de libros de texto de Bacharelato para o curso 2023-2024