IES Camilo José Cela

Poderíano escoller como epitafio

Cuspídeme enriba cando pasedes
por diante do lugar onde eu repouse
enviándome unha húmida mensaxe
de vida e de furia necesaria.

Poesía última de amor e enfermidade, 1992-1995

Naceu en Monforte de Lemos en 1958. Destacou sempre o seu gusto pola música, sobre todo por grupos coma Lou Reed, Pink Floyd ou Joy Division, e pola literatura en linguas xermánicas.

En vida, publicou dous poemarios: Poemas 1981/1991  e Poesía última de amor e enfermidade 1992-1995. Lois morreu na Coruña o 24 de maio de 1996 a causa da SIDA e do seu envelenamento con aceite de colza desnaturalizado.

Foi soterrado no cemiterio de Santa Cristina de Viso, no Incio, e ten coma epitafio os últimos versos do poema escollido como texto do mes. A tumba de Lois converteuse nun lugar de peregrinación, debido ao seu potente valor icónico.

O 26 de xuño de 2010 a Real Academia Galega fixo pública a súa decisión de dedicarlle o Día das letras galegas de 2011 a Lois Pereiro.