TOPONIMIA
Os nomes dos lugares son os testemuños máis fiables do idioma natural dunha zona do mundo. A seguir indícanse uns cantos topónimos do concello de Teo.
En Galiza, os habitantes máis antigos, de hai máis de 2500 anos, tiñan nomes para os lugares naturais máis comúns: montes, prados, pedras, ríos, árbores... Coa chegada dos celtas, e máis logo do latín dos romanos, do que deriva a lingua galega, o ser humano foi poboando e modificando o territorio galego dándolles nomes aos lugares que habitaban ou creaban: aldeas, vilas, edificios, pontes...
Finalmente, pouco antes de se crear o galego, na Alta Idade Media, os xermanos trouxeron novas palabras e nomes de persoa. O árabe tamén prestou léxico a través do castelán e portugués para a formación total do idioma. Moitos lugares levan nomes dos señores feudais que os posuían, tanto de orixe latina coma xermana.