Obradoiros da Fundación MAPFRE
O 16 de novembro de 2018 realizáronse os Obradoiros da Fundación MAPFRE- Misión futuro.
Os alumnos de 2º ESO e 4º ESO con materias do departamento de Economía participaron nun obradoiro de aforro e previsión social, organizado pola Fundación Mapfre, no que lles achegaron a conceptos como a previsión de futuro, o aforro ou o consumo responsable como medida de protección fronte aos riscos que poidan sufrir.
Neste obradoiro proporcionáronlles ferramentas para converterse en cidadáns autónomos e informados de face a unha mellor xestión dos riscos que poidan atoparse ao longo da vida e puxeron en práctica os conceptos teóricos que aprenderon, creando situacións reais e empregando novas tecnoloxías como a realidade aumentada con tablets, tendo que superar, a través de xogos, cinco probas nas que adoptaron os diferentes roles dentro dunha familia.
