CdC 2019/20

O Club de Ciencia da Cachada continuou, un curso máis, acondicionando o módulo bioclimático da Casiña dos Maios para estudar as características da Bioarquitectura. Nesta edición 2019/20 intentamos adoptar unha perspectiva verdadeiramente STE(A)M, creando subproxectos que involucraran ás materias STEM xunto a outras que tipicamente participan en proxectos interdisciplinares: Lingua Galega, Historia, Economía. 

Equipos de traballo

Obxectivos e valoración 

Durante os meses de curso, as actividades desenvolvéronse de acordo co previsto. Organizamos un calendario de traballo [1] e decidimos que cada xoves no 1º recreo un grupo de traballo espuxese ós compañeiros os avances na súa área. Este sistema tivo un excelente resultado, e mesmo colaboraron materias como Galego, convalidando as exposicións como probas orais.

As especiais dificultades deste curso por mor da COVID 19 impediron lograr algúns dos obxectivos. Porén, o equipo de traballo continuou as actividades, na medida do posible, no confinamento.

Obxectivo	Valoración
Estudar as liñas de cooperación entre os departamentos de Ciencias e Tecnoloxía, propoñendo dinámicas e proxectos comúns.	No comezo de curso fixemos unha comparativa de estándares para as diferentes materias, e con ela deseñamos subproxectos comúns (ver en listaxe de actividades). Como traballo interdisciplinar relativo á cooperación desde unha perspectiva STEAM, desenvolvemos: Un obradoiro semanal sobre Scrach [2] para o alumnado (a cargo do profesor Javier Bao). Unha docencia sobre impresión 3D (a cargo de Xurxo Arines). [3] Unha docencia sobre simulación domótica con Arduino (a cargo de Rubén Beiroa). [4]	Ver Anexo de Actividades STE(A)M coordinadas.
Completar o mapa de radon no concello Boirense, elaborando un mapa dixital.	O equipo de traballo coordinado por Flor Domínguez e Maribel Pelayo desenvolveu este labor durante o curso, ata o 13 de marzo. [5]
Facer un seguimento das condicións de humidade e temperatura ó longo do ano a partir dos datos obtidos na estación metereolóxica instalada no curso pasado.	O equipo de traballo coordinado por Pilar Hermo continuou coa toma de datos (ver entrada blog [6]), e o Equipo de Cálculo (Ramón, Carmen e Mónica) traballaron nos datos e gráficas (ver entrada blog [7]). Non estaba previsto, pero durante o cofinamento, o equipo de Flor Domínguez deseñou aparatos de medida caseiros.  Ver entrada blog  sobre aparatos de medición domésticos [8].
Sementar as nosas propias plantas aromáticas nos módulos habilitados o curso pasado (sementeiro e invernadoiro-domo), estudando as propiedades das mesmas.	O equipo de traballo coordinado por Flor Domínguez montou un sementeiro de madeira e paralelamente conseguiu sementes do Centro de Investigacións Agrarias de Mabegondo: pemento, tomate negro, cebola, repolo e leituga, todas con denominación de orixe.  Entrada Blog sobre o sementeiro. [9]
Instalación de sistemas domóticos: sistema autónomo de medición de temperatura e humidade a partir dunha estación de Arduino con Raspberry  e Control de luminosidade na Casiña a través da instalación dunha persiana automática domótica.	O equipo de Domótica, a cargo de Ana Moreiras, avanzou durante os meses de curso no deseño do sistema con Arduino, pero a montaxe non foi posible por mor da COVID. De todas formas, sabemos que a placa fotovoltaica que posuímos non ten suficiente tensión para alimentar os motores da persiana. Entrada sobre Arduino aplicado a un sensor de ruído. [10] Entrada sobre domótica [4]

Anexo: Actividades STE(A)M coordinadas

Nun esforzo por dotar o noso proxecto curricular de coherencia e mellorar a competencia científico-técnica e dixital do noso alumnado, estudamos a coordinación dos currículos das materias STEM nos cursos de 2º, 3º e 4º, onde a Tecnoloxía facilita a relación de contidos.