No centro desenvólvense diferentes programas, cada un deles pensado para dar resposta a determinadas necesidades educativas entre as que está a difusión da lingua galega:
-
Contrato-Programa sobre excelencia educativa: para aquel alumnado con aptitudes e interese en linguaxes creativos propios da programación e do audiovisual (STARgal [2]).
-
Contrato-Programa Espazo familia, para mellorar a relación coas familias.
-
Proxecta TÍCaras para mozas emprendedoras nas TIC, buscando superar a fenda de xénero no uso destas ferramentas, e que en Boiro como en calquera parte de Galicia é ben manifesta.
-
Proxecta Faite eco do lóxico [3], buscando mellorar os hábitos alimenticios do noso alumnado e a promover unha dieta baseada en hortalizas, froitas e peixes do lugar.
-
Proxecta Deporte na Cachada, para concienciar sobre a necesidade de facer deporte regularmente.
-
Proxecta Quérote+, para contribuír a pelear contra a violencia de xénero.
-
Proxecta Apúntome a non beber.
-
Intercambio lingüístico con alumnado de Francia.
-
Obradoiro teatral Roberto Vidal Bolaño, dirixido a aqueles rapaces e rapazas con interese polo mundo teatral.
Eis un resumo das festividades e as correspondentes actividades:
1. Samhain - A morte na nosa cultura e a morte hoxe, nas redes sociais
- Semana 30 out - 3 nov: proxección de curtas de medo na Biblioteca. Estiveron guionizándose, gravándose e montándose nas titorías, clases de Galego e Tecnoloxía durante o mes de outubro. Poden verse na lista de distribución Recreos Arrepiantes 2017. [4]
- 31 outubro: celebración do Magosto coa contada Quico Cadaval e Marga Alborés; 2 horas duración, na Casa Cultura; festa popular con posto de “Maquillaxe terrorífica”, xogos populares e degustación de castañas. (Colaboran Dpto. Ed. Física e Asociación Xogos Tradicionais de Compostela.) Ver imaxes en Flickr [5]
2. Yule - O nacemento da luz, reflexión sobre o tempo que adicamos ós seres queridos e ó medio no que vivimos
- Semana 11 - 15 decembro: instalación sobre deidades (Depto. Tecnoloxía) e realización da enquisa sobre redes sociais (proxecta TÍCaras, Dptos. de tecnoloxía e Matemáticas). Divulgación dos spots [6] feitos polo alumnado.
- 21 decembro: entrega de agasallos a cargo do Equipo Apalpador [7]. Os agasallos foron elaborados nas aulas de Tecnoloxía, Relixión, Valores Éticos e Titorías, e o alumnado realizou videotitoriais para a materia de Galego explicando como fixeron o seu regalo (poden verse na lista de distribución da nosa canle [8]. Un dos traballos foi finalista no concurso Youtubeir@s).
- 18 decembro: O Bosque galego precisa o teu tempo, visita guiada e plantación [9] no bosque de Froxán (ver unidade completa no blog Vaidelingua [10] do Dpto. Galego)
3. Imbolc - O espertar da terra. Preparando o noso corpo con alimentación saudable
- Semana 29 xan - 3 feb, desenvolvemento Semana Sa: almorzos saudables para titorías 1ºESO [11]; charlas [12] e obradoiros de cociña [13], videoxogos [14] e instalación [15], vídeo-receitas [16],videoclips sobre alimentación [17] e degustación. Organizado polo EDL (ver todo o proxecto no blog O lóxico é alimentarse ben [3] e as fotos no noso Flickr [18])
- O noso proxecto foi seleccionado para competir no I Congreso de Alimentación Escolar celebrado o 4 de maio en Santiago; obtivemos un accesit polo traballo realizado. Ver imaxes [19] e consultar vídeos na lista de distribución “Aliméntate ben” [20]
- 9 feb: desenvolvemento do Entroido baixo a temática “ritos e lendas celtas”. Organizan Extraescolares e EDL. (Galería de imaxes [21]). Disfraces elaborados nas aulas de Tecnoloxía.
4. Ostara - Época adicada ós Bos Amores
- Concurso literario “Máis ca palabras [22]” que todos os anos promove o Dep.de Lingua Galega e que este ano xirou en torno á temática da violencia machista e ó respecto nas relacións persoais. As modalidades deste ano foron:
- Videopoesía, organizadas a partir dun obradoiro con Antía Otero
- Regueifas/Batalla, organizadas a partir dos obradoiros de Manolo Maseda e Narci Rodríguez respectivamente
- Fomos convidados a participar na Regueifesta despois dunha peza que enviaron dous alumnos (“Os dous de sempre”) ó Enreguéifate, grazas ó obradoiro de Regueifas. Ver imaxes [23]
- Publicouse o videopoema "Xa non atendo ó meu amigo [24]", creado no Proxecta Tícaras. Outras obras poden atoparse na lista de distribución "Máis ca palabras" [25] do noso Cachavideo
5. Beltaine - O festival máis alegre, os Maios
- STARgal 1: selección e mostra das mellores producións audiovisuais do ano [26].
- STARgal 2: competición en videoxogos elaborados polo alumnado [27].
- STARgal 3: Mostra interactiva de produtos tecnolóxicos relativos a María Victoria Moreno.
- Representacións teatrais de Manar, obra producida e interpretada pola nosa profesora de teatro, Sabela Hermida.
- Celebración da Romaría popular das Letras Galegas no noso centro con xogos popularas e batalla de regueifas.
Ver imaxes de todas as actividades na galería de Flickr [28]
6. Litha - Reconto das millas percorridas
- Percorrido da “milla diaria” con todo o alumnado do centro
- Representación das obras teatrais do Obradoiro RVB [29], que este ano son sketches sacados de diferentes pezas de Chévere, quen veñen de celebrar os seus 30 anos de percorrido.
- Festival fin de curso: moitas millas percorridas: resumo audiovisual do ano, concerto do alumnado [30] de música e entrega de diplomas ó alumnado de 4º..
- Alboroque da Casiña dos Maios, módulo bioclimático (ver vídeo elaborado para explicar o concepto da Bioconstrución [31]) para sensibilizar sobre a construción e materiais que nos rodean e reforzar o contacto cos traballos manuais e a natureza (actividade prevista para maio pero que rematou a final de curso, dada a súa complexidade. O alumnado fixo vídeos didácticos para a materia de Galego sobre os problemas de saúde dos materiais de construción convencionais). Ver imaxes [32]