Bo día, estimad@s lectores e lectoras,

O Club de lectura do CPI Poeta Uxío Novoneyra despedirase (por este curso) o próximo martes 18 de xuño coa visita da escritora Berta Dávila. Á mañá vaise reunir co alumnado de Primaria para comentar o seu libro “O Concurso dos mellores inventos”.

Xa pola tarde, arredor das 16 h., teremos sesión co profesorado, familias e calquera outro membro da comunidade educativa que se anime, para comentar a súa última obra, “A ferida imaxinaria”. Contamos, como nas outras ocasións, con exemplares no centro por se alguén o precisa.

Desde a directiva do centro animamos a tod@s a ler este último libro do curso, co desexo de que as ganas de ler sigan durante o verán e, se pode ser, tamén durante os vindeiros anos.

Unha aperta chea de letras!

Xa está dispoñible o menú para o mes de xuño, poden descargalo pulsando na seguinte imaxe: 

Co gallo da conmemoración do Día Internacional da Muller Matemática, imos celebrar un concurso de fotografía matemática. As fotografías deben ter como motivo principal algunha forma xeométrica e deben vir acompañadas cun verso breve que lle sirva de título.

O prazo para enviar as fotos rematará o luns 20 de maio (incluído) e deberán ser remitidas xunto co verso ó correo carlos.cpi.caurel@gmail.com

HABERÁ PREMIO PARA PRIMARA E PARA SECUNDARIA!

Xa está dispoñible o menú para o mes de maio, poden descargalo pulsando na seguinte imaxe.

ADIADO

Por motivos imprevistos, a autora finalmente virá o día 29 de maio

Queridas/os lectores,

O próximo mércores 15 29 de maio imos ter unha visita especial: a escritora Olga Novo vainos acompañar na seguinte sesión do Club, na que imos comentar algunhas das súas obras. Unha de poesía, “Feliz Idade” (do cal mercaremos algúns exemplares para o colexio e poderedes facer uso del proximamente); e uns relatos en prosa relacionados coa súa infancia, que podemos atopar en internet. Os enlaces son os seguintes:

https://luzes.gal/25/04/2019/autores-web/olga/novo/a-bisavoa-descalza/

https://luzes.gal/09/01/2019/autores-web/olga/novo/a-medida-do-amor/

https://luzes.gal/22/08/2022/temas/feminismos/todo-o-cosmos-nun-cabelo-da-marilyn-de-vilarmao-olga-novo/

https://luzes.gal/10/07/2020/temas/inmigracion/o-pequeno-petrucio-e-a-naicina-nena/

https://luzes.gal/06/02/2020/autores-web/olga/novo/os-ollos-da-mina-nai/

Recordade tamén que é o mes no que imos comentar 2-3 letras de cancións, podendo falar de por que nos gustan, relacionar co seu contexto histórico, os seus significados, ou calquera outra cousa que consideredes relevante. É unha actividade nova, ningún temos experiencia, e a ver como sae! (seguro que moi interesante, xa veredes ;) )

Dado que temos convidada especial e ben disposta a colaborar (ademais na semana das Letras Galegas!), estaría moi ben que vos animarades a participar, cantas/os máis mellor, para facer un evento o máis bonito posible.

Unha aperta!

Queridas familias,

Esta tarde quedou exposto no taboleiro do centro o censo electoral de responsables, é dicir, o censo de nais e pais que podedes exercer o voto para a aprobación ou rexeitamento da proposta de horarios para o curso 24-25. Recordade que cada familia contará con un único voto, podendo votar calquera dos responsables indistintamente, pero só un deles.

A partir de mañá martes (incluído), ábrese un período de cinco días hábiles para que poidades realizar as reclamacións que consideredes precisas. Unha vez pasado este período, procederemos a realizar o sorteo público para constituír a mesa de cara ás votacións do luns día 22.

Para acceder ó documento, prema na imaxe:

Un saúdo,

O equipo directivo

Xa está dispoñible o menú para o mes de abril de 2024. Para descargalo só hai que premer na seguinte imaxe:

Estimadas familias. Desde hoxe, día 1 de marzo, e ata o día 22, está aberto o prazo de admisión de alumnado novo para o noso cole.

Se tedes algún algún/ha peque que cumpra os 3 aniños e queredes que se una á nosa comunidade para aprender e compartir experiencias con outr@s nen@s, poñédevos en contacto con nós para informarvos e realizar o proceso.

Tamén, se coñecedes outras familias con nenos/as, sexa cal sexa a súa idade, non dubidedes en animalos para unirse á nosa escola.

Xa está dispoñible o menú do comedor escolar para o mes de marzo, pódeno visualizar e descargar premendo na seguinte imaxe:

Estimados/as lectores/as,

Informamos sobre unha nova proposta de lectura para a próxima sesión do Club, que terá lugar o mércores 13 de marzo, sobre as 16:45. A obra escollida é o libro "As malas mulleres", de Marilar Aleixandre, que nos levará ata finais do século XIX para recuperar a memoria de mulleres marxinadas desta época.

Se alguén se anima a facer de "guía" durante a sesión, por favor, comentádenos. Nós animamos a realizar esta función, e así colaborar entre tod@s para que o Club sexa o máis interactivo posible!

A próxima semana haberá exemplares no colexio, que posteriormente quedarán na biblioteca escolar.

Ánimo coa lectura!

Unha aperta