A pasada semana o alumnado de 2º e 4º da ESO visitaron as instalacións do Parque Eólico Experimental de Sotavento, organizada polos departamentos de Bioloxía e Tecnoloxía, no concello de Xermade. Alí recibiron formación sobre a produción de enerxías, funcionamiento dos aeroxeradores e arquitectura bioclimática entre outras cousas. Podedes ver as fotos no seguinte enlace:
Por aquí vexo un camiño
que non sei a onde vai;
polo mesmo que n’o sei,
quixérao poder andar.
(Rosalía)
A semana pasada entregáronse na Biblioteca ‘Neira Vilas’ do CPI Antonio Orza Couto diversos premios relacionados coa celebración do Día de Rosalía, o 23 de febreiro.
Por unha banda, o Equipo de Dinamización da Lingua Galega do centro, ademais de agasallar a todo o alumnado de secundaria cun fermoso marcapáxinas da autora, fixo un sorteo entre os e as participantes nunha actividade na que tiñan que buscar información sobre a autora en diferentes paneis localizados nos corredores do primeiro andar.
Os galardoados foron: Uxía Quintela Calvo de 2ºESO, Tania Rúa López de 3ºESO A e Aitor Jamardo Rodríguez, de 4ºESO.
Por outra banda, a Biblioteca Neira Vilas, o Departamento de Lingua Galega e Literatura e o Departamento de Plástica, organizaron dúas actividades co gallo do Día de Rosalía. O alumnado de 1º e 2º ESO puido ilustrar, mediante a técnica do trazo, un fragmento dun poema de Rosalía entre unha selección. No caso do alumnado de 3º e 4º ESO tiñan que facer un videopoema dun texto da autora en galego.
Resultaron premiados nestas actividades: Pablo Mateo Mateo (1ºESO), Manuel Rey Dourado (1ºESO) e Andrea Rosende Sánchez (4ºESO).
Parabéns para todo o alumnado participante e agardamos que desfrutaran das actividades.
 |
O día 8 de marzo no CPI Plurilingüe Antonio Orza Couto conmemoramos o Día Internacional da Muller cunha Instalación artística sobre personalidades femininas que destacaron nos diferentes ámbitos.
Coordinado polas profesoras e profesores dos distintos departamentos do Centro, o alumnado da ESO realizou un traballo de investigación sobre as mulleres para poder confeccionar fichas que formarán parte dun arquivo de mulleres notables e que estará a disposición para a súa consulta na biblioteca do Centro.
O material producido foi organizado en formato “instalación artística” na entrada do edificio de secundaria de modo que todas e todos os que entren no Centro poidan desfrutar da exposición de maneira interactiva, xa que é posible “entrar” no espazo creado para acceder á lectura da información.
O alumnado de 1º da ESO, ademais de traballar nas fichas, colaborou facendo unhas orixinas flores de papel durante as clases de Plástica, completando así a composición.
O martes 7 de marzo, o alumnado de 3º de ESO, realizou unha saída didáctica ao Parlamento de Galicia. Alí foron recibidos por representantes dos tres partidos políticos que máis presencia teñen na cámara e puideron coñecer de preto o funcionamento da mesma asistindo á sesión plenaria.
Os nosos alumnos deron exemplo de bo comportamento e saber estar.
Premede aquí para ver todas as fotos da xornada
O pasado martes 28 de febreiro o alumnado de Educación Plástica, Visual e Audiovisual de 4º de ESO realizou unha saída didáctica á Cidade da Cultura organizada pola profesora da materia.
Aproveitando o desprazamento desfrutaron dunhas horas de salto no Novajump.
Premendo neste aquí poderedes ver todo o que deu de sí a saída.
Para celebrar o 23 de febreiro, día da nosa querida Rosalía de Castro, os nenos e nenas de Educación Infantil e Primaria fixeron, coa colaboración da profesora de Educación Artística, unha árbore con follas de cartón reciclado e poemas de Rosalía, configurando un recuncho moi especial na biblioteca, onde poderán sentar (debaixo da árbore) para ler.
En Secundaria organizamos, en colaboración co Departamento de Lingua Galega e Plástica, un concurso de ilustracións e vídeo-poemas de versos da nosa grande poeta.
As ilustracións foron expostas na porta da Biblioteca, xunto cunha selección de libros da autora.
Un ano máis o noso centro colabora coa campaña de recollida de roupa usada que Global Humanitaria, ONG de cooperación ao desenvolvemento, pon en marcha xunto con Mariola Solidaria, empresa que xestiona roupa e calzado usados, para conseguir investimento para o proxecto "Derecho a la educación" que a ONG leva a cabo na India.
Todo o alumnado levará a casa unha bolsa que deberán traer ao centro coa súa doazón voluntaria de roupa ou calzado usado, antes do 7 de marzo.
Como de todos é sabido a semana do 13 ao 17 de febreiro é a semana do entroido.
Queremos compartir con vos unha serie de "Mandadiños" que día a día Aquilano en Secundaria, e a Caixa tonta en primaria, irán comunicando aos rapaces e rapazas para que ao día seguinte cumpran coa instrución recibida e veñan ataviados coma se lles indica.
Recordade que os Mandadiños son acumulativos, o martes viremos co indicado para ese día e co do luns e así sucesivamente.
A desfrutar familia!!!
O xoves 9 de febreiro, o alumnado de 1º e de 2º de ESO disfrutou dunha xornada moi entretida aisitindo a un obradoiro de Regueifas impartido Lupe Blanco.
Despois da explicación incial regueifaron un curso fronte ao outro.
Podedes comprobar o resultado desa regueifa nesta ligazón.
O pasado mércores 8 de febreiro o alumnado de infantil e primaria, asistiu ao obradoiro de música tradicional galega "Os instrumentos van á escola" impartido por Pablo Seoane, e coordinado pola mestra Beatriz Gippini, onde coñeceron de primeira man instrumentos tradicionais Galegos
O alumnado de 3º ESO do CPI PLurilingüe Antonio Orza Couto desprazouse ata Santiago o pasado martes, 7 de febreiro, para participar en dúas actividades organizadas polos departamentos de Lingua Galega e Literatura e Plástica.
Primeiramente asistiron, xunto co alumnado do CPI de Barro, a un roteiro literario teatralizado baseado na obra O enigma de Santiago, de X.A. Neira Cruz e ofertada pola editorial Galaxia, no que contaron coa interpretaciónde Serafín Marcos. A continuación, visitaron o Centro Galego de Arte Contemporánea, no que fixeron un percorrido guiado pola exposición Camiños III que coñeceron previamente coa profesora de Plástica e na que mesmo se implicaron coa súa achega persoal
Parabéns ao alumnado e profesorado do CPI Antonio Orza Couto por contribuíren con estas actividades a un ensino público e de calidade.
O pasado luns 6 de febreiro, o alumnado de 4º e 5º de primaria, tivo a oportunidade de desfrutar xunto coas súas titoras e a mestra de Audición e Linguaxe, dunha xornada ecolóxico-didáctica enmarcada dentro do programa de estilos vida saúdable no que o noso centro participa.
No día de onte o alumando de 3º e 4º de Secundaria asistiu a unha charla informativa sobre a doazón de órganos impartida pola Axencia de doazón de Órganos e sangue, na que puideron comprobar de primeira man o que supón facerse doante.
A vida, o mellor agasallo!!
Para celebrar este día tan importante, tivemos un acto promovido pola biblioteca e organizado polo alumnado de Oratoria que contou co apoio de todos os departamentos do centro.
Comezamos escoitando o discurso elaborado polas alumnas Meseret Tomé, Uxía Otero e Antía Rendo de 3º da ESO.
Todos e todas participaron na confección do noso “Mural Pola Paz” onde están expostas as frases que o alumnado de secundaria estivo recopilando e creando. O mural foi decorado polo alumnado de 4º da ESO que preparou graffitis de siluetas de persoas, representando o desexo de Paz da nosa comunidade escolar, dentro e fóra das escolas e, principalmente, nas sociedades de todo o mundo.
Para rematar, os alumnos e alumnas presentes foron convidados a lanzar un avión de papel, confeccionado por cada un e cada unha, á “Diana da Paz”, realizada polas alumnas de Valores Éticos de 2º da ESO.
Por outra banda, deixámosvos unha mostra das actividades que fixeron os alumnos e alumnas de Infantil e Primaria
Xunta de Galicia - Consellería de Educación, 2013 | ||
