ENCONTRO CO AUTOR HÉCTOR CAJARAVILLE
O mércores 3 de maio o Departamento de Lingua Galega e Literatura
do CPI Antonio Faílde organizou un encontro co escritor Héctor Cajaraville,
un dos autores máis célebres do panorama literario galego actual.
O alumnado de 4º ESO e do Club de Lectura tivo a ocasión de intercambiar
co escritor percepcións sobre a obra A caixiña dos rancores, merecente do premio Raíña Lupa.
Así mesmo, dende o Departamento de Educación Plástica traballaron co título e coa portada
para agasallar o escritor cunhas caixas manipuladas nas que reflectiron as sensacións
que lles produciu a lectura da novela a modo de poemas-obxecto.
»